Usuarios externos

Os antigos membros da comunidade universitaria da UDC (ex estudantes, antigos PAS ou PDI), estudantes doutras institucións universitarias, investigadores e, en xeral, persoas alleas á universidade que xustifiquen esta necesidade poden ser autorizados/as para utilizar  o servizo de préstamo como usuarios/as externos/as.

Esta autorización temporal ten unha duración dun ano, renovable, e permite a quen teña o carné, a levar 6 obras en préstamo por 10 días cada unha delas.

 

Solicitud de alta

Si desea darse de alta como persona usuaria autorizada externa ten que enviar ao correo electrónico accesodoc.biblioteca@udc.gal a seguinte documentación.

  • O formulario de alta cuberto e asinado
  • Imaxe ou copia escaneada do DNI/PASAPORTE ou carné de conducir

O formulario impreso tamén está dispoñible nas bibliotecas da Universidade para quen o prefira entregar presencialmente.

Unha vez dada de alta, a persoa usuaria recibirá unha carta de benvida e un correo electrónico que lle permitirá cambiar o seu contrasinal.

Pasados uns días, as tarxetas estarán dispoñibles e poderanse recoller na biblioteca seleccionada pola persoa usuaria.

Identificación en Crunia

As persoas usuarias autorizadas externas que desexen identificarse no catálogo Crunia, terán que iniciar a sesión como Usuario/a Autorizado/a e  identificarse co código de barras da tarxeta (21 + DNI)  e coa súa contrasinal.

Na túa conta de usuario autorizado poderás consultar: 

  • As condicións de préstamo de cada material e a súa dispoñibilidade
  • Consultar os seus préstamos e renovalos
  • Realizar e ver as súas reservas e solicitudes
  • Acceder ao historial de lectura

 

Como persoa usuaria autorizada externa NON TEN ACCESO aos recursos electrónico subscritos pola UDC.

Préstamo na biblioteca

Para levar exemplares en préstamo na biblioteca, debes presentar algún dos seguintes documentos:

  • Tarxeta da biblioteca
  • Documento oficial identificativo (DNI, pasaporte, carné de conducir, etc.)

Wifi

O uso da rede sen fíos da UDC está restrinxido á comunidade universitaria. Os/As usuarios/as externos/as non poden acceder á wifi, a non ser que sexan ex-estudantes (accederán co seu antigo usuario da universidade e o contrasinal a través da rede udcportal) ou membros doutras universidades que participen no proxecto eduroam. Nese caso utilizarán a rede eduroam configurando o seu ordenador segundo as pautas da súa institución de orixe.