Grazas a que damos servizo aos estudos de Comunicación Audiovisual, a Biblioteca de Socioloxía e CC. da Comunicación posúe a colección audiovisual máis grande da Universidade da Coruña e ten unhas condicións de préstamo especiais.

Actualmente (xanerio 2023) contamos con 2872 películas, 236 obras de animación, 393 documentais e 218 series.

TES TRES XEITOS DE CONSULTAR O QUE TEMOS

SABES QUE BUSCAS	- usa o catálogo (busca por obra ou por autor)
QUERES EXPLORAR	- vai ao noso perfil de pinterest especializado na nosa colección audiovisual
	- consulta as listaxes en papel que hai na entrada da biblioteca, ordenadas por número currens segundo imos incorporando novos títulos

A colección audiovisual compleméntase con un fondo bibliográfico sobre cinema (signatura C1) que abrangue desde aspectos técnicos, económicos e históricos, ata temas como a dirección artística e crítica cinematográfica.

Este fondo inclúe unha sección de guions e algunhas coleccións de análise de films e autores.

A maiores, creamos dous taboleiros en pinterest onde quixemos poñer en valor o traballo das mulleres directoras e realizadoras recompilando autoras e enlazando con información sobre elas:

• Directoras de cine (1.525 nomes)
• Directoras galegas (104 nomes)

(Actualización a 04/12/2019)