A finalidade principal da asignatura Publicidade audiovisual é coñecer os principios teórico-prácticos da comunicación publicitaria para afrontar a elaboración das súas mensaxes.

Recoméndase ter cursado Comunicación e industrias culturais.

O profesional da comunicación ten enormes posibilidades de desenvolvemento profesional non só nos medios de comunicación, senón tamén nos departamentos de comunicación das organizacións (tamén chamados gabinetes de comunicación). As empresas e institucións necesitan cultivar as relacións cos seus públicos (externos, intermedios e internos) para mellorar a súa imaxe e a xestión da organización. Na actualidade, os medios interactivos e audiovisuais teñen cada vez máis importancia e é preciso contar con profesionais que dominen todas as súas posibilidades expresivas.

Esta materia impártese en segundo curso de grao unha vez que se alcanzaron coñecementos básicos e comézase a tomar contacto cos grandes campos profesionais da comunicación: o xornalismo, a publicidade, a ficción, os formatos de televisión e o deseño. Mantén unha especial relación coa materia Publicidade audiovisual por compartir o código comunicativo da persuasión e coa materia de terceiro curso Análise audiovisual porque posúe un enfoque esencialmente práctico inseparable do efecto social da súa mensaxe, é dicir, a comunicación corporativa pretende obter un determinado efecto na súa audiencia sen o cal carece de sentido.

Recoméndase ter cursado Comunicación e industrias culturais e Comunicación oral e escrita.

Códigos, procesos e roles profesionales na ficción audiovisual actual.

Recoméndase ter cursado Historia do cine e da animación.

A finalidade principal da materia Estudo da Audiencia é coñecer o sector audiovisual desde o punto de vista dos receptores.

Para iso estúdanse e analízanse as principais técnicas de investigación de audiencias, tanto as cuantitativas coma as cualitativas.

Recoméndase ter cursado Historia da radio, a televisión e a multimedia.

Documentais, reportaxes, entrevistas, novas e informativos: cómo se fan.

Recoméndase ter cursado Historia da radio, a televisión e a multimedia, Dereito e Sector audiovisual.

Esta materia inicia ao alumnado nos principios básicos do deseño imprimido e dixital. Impártese como remate do proceso de aprendizaxe iniciado na materia de primeiro curso Expresión Gráfica.

Recoméndase ter cursado Expresión gráfica.

O obxectivo da materia é coñecer tanto os fundamentos como as ferramentas necesarias asociadas a dous aspectos moi importantes hoxe en día en numerosos proxectos audiovisuais: a creación web e o manexo de información multimedia.

Dende un punto de vista práctico, o obxectivo principal desta materia é dar a coñecer ao alumnado a existencia de ferramentas que facilitan o deseño e permiten a optimización do material a publicar, sen esquecer os aspectos teóricos e de fundamentos.

Recoméndase ter cursado Informática audiovisual.

A elaboración do guión é o paso previo imprescindible en calquera procedemento de produción audiovisual. Nesta asignatura, o alumnado introducirase nas técnicas, estratexias e formatos necesarios para desenvolver a súa faceta de guionista.

Recoméndase ter cursado Historia do cine e da animación e Ficción audiovisual.

O obxectivo desta asignatura é o de aprender os fundamentos do traballo dun director de fotografía, e crear contidos fotográficos e cinematográficos de calidade técnica e estética.

Recoméndase ter cursado Ficción audiovisual, Análise audiovisual e Deseño de produción e dirección artística.

O propósito da materia é formar aos alumnos nos rudimentos técnicos da edición de vídeo ao tempo que complementar e afondar na súa formación na linguaxe audiovisual.

Recoméndase ter cursado Publicidade audiovisual, Ficción audiovisual e Guión.

Desenvolvemento de contidos 3D para a xeración de imaxes estáticas ou en movemento. Modelado 3D e mapeado de texturas.

O Deseño de produción é o departamento que determina o contido visual e estético dun proxecto audiovisual. Toma tódalas decisións sobre a forma, o color, o tratamento e en definitiva, o estilo plástico da produción, traballando en estreita relación co director.

Este profesional é necesario en grandes producións onde participan distintos equipos que desenrolan os decorados, ambientación e persoxes, coordinados a su vez polos seus respectivos Directores de Arte, Deseñadores de Vestiario e Caracterización, garantindo así que todos eles sexan fieles á estética xeral previamente deseñada. En producións mais modestas, normalmente so existe a figura do Director de Arte.

Recoméndase ter cursado Expresión gráfica, Deseño aplicado e Guión.

Desenvolvemento de contidos 3D realista. Coñecemento técnico e dominio do proceso de xeración de imaxes sintéticas. Técnicas de iluminación global e efectos atmosféricos. Características e uso das cámaras na infografía 3D.

Recoméndase ter cursado Dirección de fotografía: Cámara e iluminación, Teoría e práctica da edición e a montaxe, Infografía 3D-1 e Deseño de produción e dirección artística.

Nos últimos anos apreciouse a masiva utilización de contido multimedia estático e interactivo dentro da WWW. Nesta materia impártense coñecementos básicos que permitirán ao alumnado crear material multimedia, incluíndo a creación de banners publicitarios, videoxogos e contido interactivo.

Recoméndase ter cursado Fundamentos tecnolóxicos dos medios audiovisuais, Informática audiovisual e Informática para a creación de web e vídeo.

Ambientación Sonora y Musical constitúe unha materia de interese para a formación de los futuros titulados en Comunicación Audiovisual debido á relevancia que adquiere o son tanto no audiovisual convencional como no eido dixital e multimedia.

Esta materia pretende dotar ao alumnado dos coñecementos precisos para analizar os compoñentes do son e as súas posibilidades expresivas; para manexar os códigos sonoros e da música no audiovisual e -máis concretamente- nos diversos xéneros e formatos, así como para abordar o deseño sonoro dunha peza audiovisual.

Recoméndase ter cursado Historia do cine e da animación, Audio, Guión, Análise audiovisual e Teoría e práctica da edición e a montaxe.

A materia de Estratexias de comunicación multimedia resulta de interese para a formación dos futuros titulados en comunicación audiovisual debido á relevancia que adquiren as novas formas de comunicación integradas a través de diversos medios no ámbito da cultura da converxencia.

Esta materia pretende dotar ao alumnado das ferramentas adecuadas para coñecer as características das mensaxes nas diferentes plataformas e pantallas, en especial no que se refire ao proceso de planificación, produción e avaliación dun proxecto transmedia.

Recoméndase ter cursado Comunicación corporativa, Ficción audiovisual e Guión.

Asignatura na que se fai unha visión xeral do sector dos videoxogos e se explica o proceso de deseño e creación dos mesmos.

Recoméndase ter cursado Expresión gráfica, Sector audiovisual, Deseño aplicado, Guión e Deseño de produción e dirección artística.

O obxectivo da materia é coñecer o proceso de creación e xestión dun proxecto multimedia.

Dende un punto de vista práctico, o obxectivo principal desta materia é que o alumnado experimente o proceso de creación dun proxecto multimedia realizado en grupo, que coñeza as características específicas da xestión e documentación deste tipo de proxectos mediante o desenvolvemento de vídeos interactivos.

Recoméndase ter cursado Informática para a creación de web e vídeo.

Terminoloxía e conceptos relacionados coas tecnoloxías da información e a comunicación. Aplicacións multimedia: texto, audio, imaxe, vídeo e interacción. Análise dos medios dixitais. Artigos de información xornalística e estruturas. Entrevistas, listaxes, estatísticas, reportaxes. Escribir e editar: "narrator or teller", "media forms and media language". Formas e convencións no inglés dos medios. Audiencias e institucións. Termos técnicos para analizar o proceso de redacción, edición e impresión. Códigos e convencións. Gramática: "10 common mistakes". Follas de estilo e puntuación.

Adquirense os coñecementos necesarios para crear, desenvolver e xestionar un produto audiovisual en todas as súas fases, dende a planificación inicial ata o plan de traballo, a estimación de custos, a xestión da produción ou os métodos de financiamento e operación.

Recoméndase ter cursado Comunicación oral e escrita, Estudo da audiencia e Deseño de produción e dirección artística.

Esta materia propón dar a coñecer os procesos de elaboración e creación de obras audiovisuais para televisión, así como os elementos básicos de narración.

Preténdese que o alumnado adquira os fundamentos teóricos e técnicos, así como as habilidades instrumentais suficientes para afrontar, desde o punto de vista narrativo e estético, a elaboración de productos audiovisuais.

Recoméndase ter cursado Guión, Dirección de fotografía: Cámara e iluminación, Teoría e práctica da edición e a montaxe, Deseño de produción e dirección artística e Ambientación sonora e musical.

A materia ten como obxectivo fundamental achegar ao alumnado ás técnicas e ferramentas básicas de posprodución, composición de video dixital, croma e integración de elementos virtuais 3D.

Recoméndase ter cursado Guión, Dirección de fotografía: Cámara e iluminación, Teoría e práctica da edición e a montaxe, Infografía 3D-1, Infografía 3D-2 e Ambientación sonora e musical.

Nesta materia introdúcese ao alumnado nos conceptos e técnicas básicas para a animación de obxectos tridimensionais.

Nela, o alumnado adquire xunto cos coñecementos teóricos a práctica na animación de obxectos ou personaxes non humanoides utilizando as diferentes técnicas existentes.

Recoméndase ter cursado Infografía 3D-1 e Infografía 3D-2.

Asignatura na que se aprende tanto a creación e desenrolo de personaxes tridimensionais complexos como a capacidade artística e técnica para a animación de ditos personaxes para a creación de secuencias audiovisuais.

Recoméndase ter cursado Infografía 3D-1, Infografía 3D-2 e Animación 3D-1.

A materia describe as distintas tecnoloxías de visualización 3D interactiva, a súa problemática específica e proceso de produción, así como a súa aplicación en ámbitos como a simulación en tempo real, os videoxogos ou os mundos virtuais.

Nela, o alumnado adquire xunto cos coñecementos teóricos a práctica na produción dun ámbito tridimensional interactivo mediante o uso de software de grande implantación na industria.

Recoméndase ter cursado Infografía 3D-1, Infografía 3D-2, Animación 3D-1, Animación 3D-2 e Videoxogos.

Uso de técnicas de infografía e animación 3D para a creación de efectos dixitais, tanto en producións de animación como de imaxe real.

Recoméndase ter cursado Infografía 3D-1, Infografía 3D-2 e Posprodución dixital.

Materia na que o alumnado terá a oportunidade de coñecer o estado actual do mercado das aplicacións para móviles, como se realiza un proxecto de app de principio a fin (dende a idea á saída ao mercado e seguemento) e levar a cabo o seu propio proxecto.

Recoméndase ter cursado Deseño aplicado e Obradoiro de creación multimedia.

Nesta materia repasarase a evolución da comunicación editorial desde as publicacións en papel ata o actual soporte móbil. Tamén se analizasen as posibilidades creativas, narrativas e visuais dos novos soportes, así como os distintos dispositivos dispoñibles.

Para finalizar, partindo do UCD (Deseño Centrado no Usuario) e atendendo a criterios de usabilidade, cada estudante deseñará a súa propia publicación dixital.

Recoméndase ter cursado Deseño aplicado e Obradoiro de creación multimedia.

Esta materia propón analizar o complexo mundo da animación en factores básicos controlables e entendibles polo estudante, de maneira que aprenda a comunicar a través da animación de personaxes dotándoo de humanidade e emocións.

Recoméndase ter cursado Infografía 3D-1, Infografía 3D-2, Animación 3D-1 e Animación 3D-2.

O desenvolvemento de prácticas en entidades externas supón unha oportunidade para que os futuros graduados en Comunicación Audiovisual entren en contacto coa realidade laboral e adquiran habilidades dirixidas ao ámbito profesional.

Co obxcetivo de dotar ao alumnado de Comunicación Audiovisual dunha formación práctica, complementaria á académica, que lle permita desenvolver as competencias adquiridas ao longo da súa formación universitaria, téñense incorporado ditas prácticas externas como materia optativa no Plano de Estudos.

Recoméndase que o alumno teña cursado e superado todas ou case todas as materias da titulación, especialmente aquelas que teñan relación directa coa praza de prácticas e as labores asignadas a ésta.