Se es estudante de Comunicación Audiovisual ou Creación Dixital, Animación e Videoxogos na UDC e queres achegarte ao ámbito profesional poderás desenvolver dous tipos de prácticas: curriculares e extracurriculares.

Prácticas curriculares

Son as que se realizan unha vez matriculado/a na materia de 4º de Prácticas. No caso de CAV as prácticas curriculares son optativas e deben ter 150 h (6 créditos), mentres en CDAV a duración é de 225 h (9 créditos) e son obrigatorias.

As prácticas curriculares pode obterse a través das ofertas de empresas que publica o centro no Campus Virtual das materias ou ben por iniciativa do alumno/a. Neste caso, só haberá que asinar o Convenio da empresa coa UDC (de ser preciso) e o proxecto formativo co alumnado seleccionado.

Unha vez rematada a estadía de prácticas, o alumnado terá que entregar no Campus Virtual o Informe do titor profesional e a súa memoria de prácticas para poder superar a materia.

Prácticas extracurriculares

Para desenvolver unha estadía de prácticas extracurriculares tes que estar matriculado en calquera dos graos no curso actual (de setembro a xullo) e contar co 50% dos créditos da titulación superados, sendo obrigatorio ter superados todos os de formación básica.

Normalmente este tipo de prácticas se realizan ou no verán (entre 3º e 4º curso) ou como ampliación das prácticas curriculares, podendo facer un total de 750 horas de prácticas (de ambos tipos) por curso académico.

Este tipo de prácticas ofértanse a través dun grupo de Team ao que podes apuntarte contactando coa Coordinadora de Prácticas da Facultade.