A Unidade de Emprego da Universidade da Coruña está integrada na vicerreitoría de Estudantes e Empregabilidade e ten presenza física tanto na Coruña como en Ferrol. O seu obxectivo é proporcionar ao estudantado orientación, información e formación para a mellora da súa empregabilidade no acceso ao mundo laboral. As competencias da unidade están relacionadas co impulso institucional nos ámbitos das prácticas externas, do emprendemento e das políticas activas de inserción laboral.A través de programas formativos e de experiencias coas empresas, facilítase o coñecemento e acceso ao mercado laboral, o propio autocoñecemento en relación á elección dos obxectivos profesionais ou as competencias que solicitan as empresas.

En qué áreas se traballa?

• Orientación laboral para o acceso á empresa privada e o emprego público. 
• Asesoramento para o autoemprego e o emprendemento, que procura as ferramentas básicas para coñecer o mundo da creación de empresas dende a xeración dunha idea até a súa posta en marcha.
  O obxectivo das dúas áreas é crear situacións a través das cales o alumnado aprenda de forma significativa a través de programas propios ou en colaboración con outras entidades públicas e privadas significativas no mercado laboral.

Programas e actividades máis salientables

• Foro Avanza (Xornadas e Feira de Emprego).

• Empréga-T.- programa de formación para o emprego e experiencias coas empresas.

• Xuventude Mentoring.- programa de orientación laboral, mentoría, formación e networking con empresas (iniciativa da Xunta de Galicia, CIXUG e a colaboración das tres universidades galegas que teñen o rol de centros colaboradores). 

• Colaboración con iniciativas dos centros en eventos de orientación laboral ou profesional e para o emprendemento (xornadas de orientación profesional, feiras de emprego etc).

• Programa de prácticas da Fundación ONCE-CRUE para estudantes con discapacidade recoñecida (33%).

• Programa de prácticas Campus Rural.- programa de prácticas en municipios en perigo de despoboamento (iniciativa do Ministerio de Transición Ecológica y Reto Demográfico-MITERD) no que a UDC está a colaborar dende fai anos.

• Programa de complementos de prácticas externas en colaboración co Banco Santander.

• Programa de emprendemento Explorer X.- programa de promoción do emprendemento para mocidade universitaria da UDC.

• Start-Up

• IEBT (Iniciativas Empresariais de Base Tecnolóxica).

Síguenos en: