Pode solicitar a bolsa o estudantado que cumpra os seguintes requisitos:

1. Estar matriculado/a a tempo completo na UDC no curso 2025/26, nun grao, posgrao ou mestrado universitario oficial, e ao corrente dos pagamentos correspondentes.
2. O estudantado estranxeiro non comunitario deberá acreditar a condición de residente, de conformidade co disposto na normativa sobre dereitos e liberdades das persoas estranxeiras en España.
3. Ter realizadas as prácticas obxecto deste programa, estar a realizalas ou ter sido seleccionado/a, no momento da inscrición, para realizar unha práctica profesional externa curricular ou extracurricular da UDC que comece durante o ano 2025, xa sexa remunerada ou non remunerada.
4. Facer unha dobre inscrición:
   1. estar inscrito/a na plataforma de bolsas do Santander correspondente ao “Programa de Bolsas Santander Complemento ás Prácticas Profesionais 2ª edición 2025”, cuxa ligazón se indica no artigo 4.1 desta convocatoria, e
   2. estar inscrito/a na UDC a través dun formulario cuxa ligazón se indica no artigo 4.2. e achegar na solicitude a documentación descrita no artigo 6 desta convocatoria.

1. Unha vez revisadas as alegacións, a avaliación de solicitudes será realizada pola Comisión de Selección segundo os seguintes criterios:
   1. A nota media do expediente académico.
   2. Ter unha discapacidade igual ou superior ao 33%, debidamente xustificada mediante a presentación do certificado oficial correspondente.
   3. Ter sido beneficiario/a dunha bolsa socioeconómica do Ministerio de Educación, Formación Profesional e Deportes no curso 2025/26.
   4. A natureza da práctica: curricular non remunerada, extracurricular non remunerada, curricular remunerada ou extracurricular remunerada.
2. A asignación das bolsas rexerase pola seguinte orde de prioridade:
   1. En primeiro lugar, terán preferencia as persoas solicitantes que acrediten unha situación de discapacidade.
   2. En segundo lugar, terán preferencia as persoas beneficiarias da bolsa do Ministerio de Educación, Formación Profesional e Deportes.
   3. A continuación, atenderase á tipoloxía da práctica para a que se solicita a bolsa, coa seguinte prelación:
      1. Prácticas curriculares non remuneradas.
      2. Prácticas extracurriculares non remuneradas.
      3. Prácticas curriculares remuneradas.
      4. Prácticas extracurriculares remuneradas.
   4. Dentro de cada un dos grupos anteriores, as solicitudes ordenaranse de acordo coa nota media do expediente académico. En caso de empate na nota media do expediente académico, procederase ao desempate coa seguinte orde de prelación:
      1. Maior número de matrículas de honra.
      2. Maior número de sobresalientes.
      3. Maior número de notables.
      4. Maior número de aprobados.

Na inscrición pola parte da UDC, cuxa ligazón se indica no artigo 4.2, o estudantado solicitante deberá achegar a seguinte documentación:

1. No caso de cidadáns doutros países, o documento de identificación de estranxeiros (NIE). Non será válida a solicitude con pasaporte.
2. O estudantado estranxeiro non comunitario deberá acreditar a súa condición de residente, de conformidade co disposto na normativa sobre dereitos e liberdades das persoas estranxeiras en España.
3. De ser o caso, o certificado de discapacidade igual ou superior ao 33 % e o anexo I da convocatoria cuberto e asinado.
4. O documento vinculado á realización de prácticas externas curriculares ou extracurriculares, remuneradas ou non, obxecto das bolsas, segundo as seguintes casuísticas:

i. certificado de finalización das prácticas externas, para o que se utilizará o modelo de certificación ao que se pode acceder desde a seguinte ligazón:

https://www.udc.es/emprego/bolsas-complementos-practicas/, correctamente asinado polo/a titor/a académico/a ou persoa responsable do centro de estudos da UDC,

ii. certificado de que se están a realizar prácticas externas ou de ter sido seleccionado/a para realizar as prácticas externas, achegando o correspondente documento de plan formativo de prácticas correctamente asinado polas persoas titoras e o/a estudante, ou ben o modelo que figura como Anexo II desta convocatoria correctamente asinado polo/a titor/a académico/a ou persoa responsable do centro de estudos da UDC.

e. A inscrición por parte da UDC inclúe o apartado de “Declaración responsable”, que o estudantado solicitante ten que aceptar.

f. No caso de titulacións obtidas fóra da UDC, a certificación do expediente académico dos estudos de grao e, no caso de estudos de mestrado oficial, a certificación do grao que lle deu acceso; en ambos os casos calculada a nota media en base 10. No suposto de titulacións obtidas no estranxeiro, ademais do certificado do expediente académico en que conste a cualificación mínima aprobatoria, débese presentar asinado o documento de declaración de equivalencia das notas medias de estudos realizados aos correspondentes españois, que se realizará en liña a través da sede electrónica do Ministerio de Educación, Formación Profesional e Deportes:

https://universidades.sede.gob.es/pagina/index/directorio/Equivalencia_notas_medias

Poderá requirírselles ás persoas solicitantes a presentación da documentación orixinal. 

O estudantado que reúna os requisitos esixidos nesta convocatoria deberá tramitar a inscrición facendo a solicitude da bolsa por dúas vías: na plataforma de bolsas do Banco Santander e no formulario de inscrición da UDC, segundo o seguinte procedemento:

1. Realizar o rexistro previo na plataforma de bolsas do Banco Santander, na convocatoria específica para estas bolsas. A ligazón da plataforma do Santander para solicitar este Programa é:

https://app.santanderopenacademy.com/es/program/complemento-a-las-practicas-2025-ii-edicion

2. Presentar a solicitude na UDC enchendo o formulario en liña dispoñible no seguinte enderezo web:

https://www.udc.es/emprego/bolsas-complementos-practicas/.

O procedemento é integramente telemático.