Preguntas frecuentes - Novo estudantado

Facultade de Filoloxía

Preguntas frecuentes · Novo estudantado

Aspectos académicos

Cal é o meu horario?

Hai que considerar o seguinte:

- O estudantado está dividido en grupos (➜ Asignación de grupo).

- Cada grupo ten un esquema de clases diferente (➜ Distribución das clases e ➜ Horarios).

Asignación de grupo

- Cada estudante ten asignado un grupo, identificado por unha letra (A, B, C, D)

- A asignación publícase en setembro na páxina web da facultade (no espazo do teu grao ou aquí).

- Despois de cada período de matrícula actualízanse as listaxes de asignación de grupo.

Distribución das clases

Todas as materias de 1.^o son cuadrimestrais, é dicir, impártense de setembro a decembro ou de febreiro a maio.

As materias de 1.ᵒ ten a seguinte estrutura semanal:

- 2 horas de sesión expositiva
- 2 sesións interactivas de 1 hora cada unha

As sesións expositivas son conxuntas:

- por unha banda, para os grupos A e B
- e por outra para os grupos C e D.

Débese asistir á sesión expositiva e ás dúas sesións interactivas semanais que correspondan ao grupo asignado.

Horarios

Horarios de primeiro curso

Calendario académico, datas que se deben ter en conta

Calendario de graos

Cando son os exames?

Hai tres períodos:

- Materias do primeiro cuadrimestre: 7 a 23 de xaneiro de 2026

- Materias do segundo cuadrimestre: 18 de maio a 5 de xuño de 2026

- Segunda oportunidade: 22 de xuño a 10 de xullo de 2026

Calendario de exames de primeiro curso

Que son as guías docentes?

Cada materia está descrita nun documento que contempla o temario, forma de avaliación, condicións para superala etc.

As guías docentes son de cumprimento obrigatorio, tanto por parte do profesorado como do estudantado.

É importante, por tanto, coñecer cada guía docente.

Acceso ás guías docentes

Que é o UDConline / Campus Virtual / Moodle

É a plataforma de docencia da UDC. Debes consultala con asiduidade.

https://udconline.udc.gal

Como se comunica a UDC e a facultade?

A Facultade, a UDC e o profesorado difundirán a información a través dos seguintes medios:

Web da facultade: www.udc.gal/filo
Web xeral da UDC: www.udc.gal
Correo electrónico institucional. É moi importante acceder con frecuencia ao correo da UDC.
Campus Virtual (tamén denominado Moodle) ➜ Que é UDConline / Campus Virtual / Moodle?
Teams (a ferramenta de videochamadas/videoconferencias)
Taboleiros (vestíbulo do andar 0 e fronte á administración, portas das aulas e de gabinetes do profesorado)

Podo cambiar de grupo?

Si. Hai algunhas condicións e, se é por solapamento de horarios, tamén un prazo de 10 días desde o inicio de cada cuadrimestre.

Normativa e formularios de solicitude

Que fago se non estou nas listaxes de asignación de grupo?

Se non apareces, solicita a túa inclusión mediante o formulario correspondente. Convén que tamén comprobes que todo é correcto na túa matrícula.

Podo pedir dispensa de ir a clase?

Si, se cumpres con algún dos requisitos necesarios.

Isto está regulado na Normativa de dedicación ao estudo e dispensa académica.

Como localizar a un profesor/unha profesora?

Case todo o profesorado ten o seu gabinete no edificio anexo da facultade, ao que se accede desde o aparcadoiro ou a través dun corredor no primeiro andar (a continuación da aula 1.6).

Os correos electrónicos tamén aparecen nas guías docentes.

Horarios de titoría

Teléfonos, correos electrónicos, número de gabinete

Teño un titor / unha titora? Que é o Plano de Acción Titorial?

O PAT ofrece a cada estudante o apoio e o acompañamento académico dun/ha profesor/a.

O/a titor/a é a persoa máis axeitada para obter información ou consello sobre aspectos académicos.

A facultade asigna un/ha titor/a a cada grupo de estudantes. Nos primeiros días de setembro infórmase da atribución e invítase ao alumnado ao primeiro encontro co/a titor/a.

Onde atopo formularios para solicitudes?

En xeral, nos espazos da web dedicados a cada asunto. Eses son os lugares axeitados para descargalos, porque estarán acompañados de aclaracións ou normativa, alternativas, indicacións sobre lugar de entrega ou envío etc.

Porén, varios formularios están compilados aquí.

Preguntas, queixas, suxestións, felicitacións e reclamacións

Formulario xeral

Existe un formulario para transmitir preguntas, queixas, suxestións e felicitacións a calquera órgano da UDC. Está accesible na parte inferior de calquera páxina web oficial da universidade (ligazón «Suxestións»).

Este formulario non debe empregarse para reclamacións de cualificacións de materias; estas reclamacións están reguladas nas Normas de avaliación, revisión e reclamación das cualificacións dos estudos de grao e mestrado universitario ➜ Podo reclamar pola avaliación recibida?

Preguntas, solicitude de información e suxestións

É conveniente acudir á ➜ administración ou directamente á persoa responsable (➜ Quen fai que na facultade).

Podo reclamar pola avaliación recibida?

A reclamación pola avaliación das materias está regulada nas Normas de avaliación, revisión e reclamación das cualificacións dos estudos de grao e mestrado universitario (artigos 27 e seguintes).

Aí están recollidos os motivos polos que é posible reclamar e a forma de facelo.

Servizos e instalacións

Administración

Situada no andar baixo. Horario: 9.00-14.00, luns a venres
Tramita matrículas, cambios de matrícula, solicitudes, certificacións etc.
Informa sobre trámites relacionados coas matrículas, recoñecemento de outros estudos etc.

✉ administracion.filoloxia@udc.es
✆ (+34) 881 01 17 14 / 881 01 17 15 / 881 01 17 17

Conserxaría

• Situada no andar baixo, entre a entrada e a biblioteca (v. plano)

• Solicitude de información xeral:

· Onde están as distintas dependencias
· Onde localizar ao profesorado (v. tamén Como localizar a un profesor/unha profesora)
· Obxectos perdidos

• Para informar sobre incidencias, especialmente de aspectos materiais

✉ conserxaria.filoloxia@udc.es
✆ (+34) 881 01 17 13

Biblioteca

Máis de 120 000 libros á túa disposición. Podes levar até 6 exemplares a casa.
Miles de publicacións e recursos electrónicos accesibles na web da biblioteca
Espazos de traballo en grupo
290 postos de traballo e estudo individual
Reprografía e escaneado
Web propia da biblioteca de Filoloxía: www.udc.es/biblioteca.fil/
Preguntas frecuentes á biblioteca
Localización

✉ biblioteca.fil@udc.gal
✆ (+34) 881 01 17 12

Espazos de traballo en grupo

Sala de traballo (primeiro andar, fronte á administración da Facultade de Turismo)
2 salas de traballo para grupos pequenos (na biblioteca; pregunta ao persoal)