Preguntas frecuentes - Estudantes de intercambio, Erasmus, SICUE

Facultade de Filoloxía

Preguntas frecuentes · Estudantes de intercambio, Erasmus, SICUE

Aspectos académicos

Despois de chegar

Debes ir o máis axiña posible á ORI (Oficina de Relaciones Internacionales) para xustificar a túa chegada e realizar varios trámites.

A ORI está situada na Casa do Lagar, no Campus de Elviña (parada do bus máis próxima ao estadio da UDC).

➜ Casa do Lagar en Google Maps

Previamente é necesario que concertes unha cita:

➜ Make an appointment

Cal é o meu horario?

Hai que considerar o seguinte:

- O estudantado de 1.º e 2.º cursos e do Grao en Inglés está dividido en grupos.

➜ Asignación de grupo

- Algunhas materias optativas do Grao en Español tamén contan con dous grupos de docencia.

- Cada grupo ten un esquema de clases diferente.

➜ Materias de 1.º curso
➜ Materias de 2.º curso
➜ Materias de 3.º e 4.º cursos
➜ Horarios

Asignación de grupo

- Cada estudante ten asignado un grupo, identificado por unha letra (A, B, C, D).

- A asignación publícase na páxina web da facultade, no espazo de cada grao:

Grao en Español | Grao en Galego e Portugués | Grao en Inglés

- Despois de cada período de matrícula actualízanse as listaxes de asignación de grupo.

➜ Que fago se non estou nas listaxes de asignación de grupo?

Materias de 1.^o curso

Todas as materias de 1.^o son cuadrimestrais, é dicir, impártense de setembro a decembro ou de finais de xaneiro a maio (➜ Calendario académico).

As materias de 1.ᵒ teñen a seguinte estrutura semanal:

- 2 horas de sesión expositiva
- 2 sesións interactivas de 1 hora cada unha

As sesións expositivas son conxuntas:

- por unha banda, para os grupos A e B,
- e por outra para os grupos C e D.

Débese asistir á sesión expositiva e ás dúas sesións interactivas semanais que correspondan ao grupo asignado.

Materias de 2.^o curso

As materias de 2.ᵒ teñen a seguinte estrutura semanal (con algunhas excepcións):

- 2 horas de sesión expositiva
- 2 sesións interactivas de 1 hora cada unha

As sesións expositivas son conxuntas:

- por unha banda, para os grupos A e B,
- e por outra para os grupos C e D.

Dábese asistir á sesión expositiva e ás dúas sesións interactivas semanais que corresponden a cada grupo.

Excepcións
Literatura Española e Literatura Galega ten unha distribución especial, con sesións expositivas de 90 minutos ao longo de todo o curso.

Materias de 3.^o ou 4.^o cursos

As materias obrigatorias impártense de 8.30 a 15.30 h e ten a seguinte estrutura semanal:

- 1 sesión expositiva de 90 minutos
- 2 sesións interactivas de 1 hora, que poden realizarse nunha única sesión de 120 minutos

No Grao en Inglés existen dous grupos de docencia interactiva (A e B). Débese asistir ao asignado (v. listaxes de asignación de grupo).

As materias optativas impártense polas tardes (16.30-20.30) e ten a seguinte estrutura semanal:

- 1 sesión expositiva de 1 hora
- 1 sesión interactiva de 1 hora

Algunhas materias optativas contan con dous grupos de docencia interactiva (A e B). Cómpre ir ao grupo asignado (v. as listaxes de asignación de grupo [Grao en Inglés]).

Horarios

Dispoñibles no lugar da web dedicado a cada titulación:

Grao en Español | Grao en Galego e Portugués | Grao en Inglés

Mestrado en Literatura, Cultura e Diversidade | Mestrado en Lingüística Aplicada | Mestrado en Estudos Ingleses Avanzados

Que fago se coincide o horario de dúas materias?

a) Se un cambio de grupo resolve o problema, solicítao (➜ Podo cambiar de grupo?)

b) Cambia o teu contrato de aprendizaxe. Contacta co teu titor/coa túa titora de intercambio na túa universidade de procedencia e na UDC (➜ Teño un titor na UDC?).

Que fago se non estou nas listaxes de asignación de grupo?

Se es estudante de intercambio (Erasmus, SICUE etc.), é doado que o proceso do teu contrato de aprendizaxe tome certo tempo. Por favor, solicita a asignación de grupo incluso se a matrícula ou os cambios no contrato de aprendizaxe aínda non están realizados.

Ten en conta que só se asigna grupo nas materias en que as sesións interactivas están divididas en grupos.

Formulario de solicitude

Podo cambiar de grupo?

Si. Hai algunhas condicións e, se é por solapamento de horarios, tamén un prazo de 10 días desde o inicio de cada cuadrimestre.

Normativa e formulario de solicitude

Calendario académico, datas que se deben ter en conta

Calendario de graos

Cando son os exames?

Hai tres períodos:

- Materias do primeiro cuadrimestre: 7 a 24 de xaneiro de 2025

- Materias do segundo cuadrimestre: 19 de maio a 5 de xuño de 2025

- Segunda oportunidade, para todas as materias: 19 de xuño a 11 de xullo de 2025

As datas dos exames de cada materia están dispoñibles na sección da web de cada grao:

Grado en Español | Grado en Gallego y Protugués | Grado en Inglés

➜ Que fago se coinciden dous exames?

Que fago se coinciden dous exames?

Pódese solicitar o cambio de data do exame da materia do curso superior (todos os detalles, así como o formulario para a solicitude, están na Normativa de cambio de exames por solapamento).

Cambios no contrato de aprendizaxe

O estudantado do programa Erasmus+ dispón dun mes (até o 5 de outubro) para realizar cambios nos seus contratos de aprendizaxe nas materias do primeiro cuadrimestre. Asimesmo, ao comezo do segundo cuadrimestre poderase podificar o contrato de aprendizaxe até o 2 de marzo.

Para realizar os cambios precísase a sinatura da coordinadora da facultade (Dra. Elizabeth Woodward); por favor, para acordar un encontro para asinar eses cambios escribe a mobilidade.filoloxia@udc.gal.

Se precisas algunha indicación sobre as materias que podes escoller, consulta co/coa titor/a correspondente á túa universidade de procedencia: Exchange programme tutor corresponding to your home institution.

Que son as guías docentes?

Cada materia está descrita nun documento que contempla o temario, forma de avaliación, condicións para superala etc.

As guías docentes son de cumprimento obrigatorio, tanto por parte do profesorado como do estudantado.

É moi importante, por tanto, coñecer cada guía docente.

Acceso ás guías docentes:

Grao en Español

Grao en Galego e Portugués

Grao en Inglés

Máster en Estudos Ingleses Avanzados

Mestrado en Lingüística Aplicada

Mestrado en Literatura, Cultura e Diversidade

Que é o Campus Virtual / Moodle

É a plataforma de docencia da UDC. Debes consultala con asiduidade.

https://udconline.udc.gal

Como se comunica a UDC e a facultade?

A Facultade, a UDC e o profesorado difundirán a información a través dos seguintes medios:

Web da facultade: www.udc.es/filo
Web xeral da UDC: www.udc.es
Correo electrónico institucional. É moi importante acceder con frecuencia ao correo da UDC.
Campus Virtual (tamén denominado Moodle) ➜ Que é o Campus Virtual / Moodle?
Teams (a ferramenta de videochamadas/videoconferencias)
Taboleiros (vestíbulo do andar 0 e fronte á administración, portas das aulas e de gabinetes do profesorado)

Como localizar a un profesor/unha profesora?

Case todo o profesorado ten o seu gabinete no edificio anexo da facultade, ao que se accede desde o aparcadoiro ou a través dun corredor no primeiro andar (a continuación da aula 1.6).

Os correos electrónicos tamén aparecen nas guías docentes.

Horarios de titoría

Teléfonos, correos electrónicos, número de gabinete

Teño un titor/unha titora na UDC?

O estudantado de intercambio ten asignado un titor dependendo da universidade de procedencia.

Exchange program tutors

Preguntas, queixas, suxestións, felicitacións e reclamacións

Formulario xeral

Existe un formulario para transmitir preguntas, queixas, suxestións e felicitacións a calquera órgano da UDC. Está accesible na parte inferior de calquera páxina web oficial da universidade (ligazón «Suxestións»).

Este formulario non debe empregarse para reclamacións de cualificacións de materias; estas reclamacións están reguladas nas Normas de avaliación, revisión e reclamación das cualificacións dos estudos de grao e mestrado universitario ➜ Podo reclamar pola avaliación recibida?

Preguntas, solicitude de información e suxestións

É conveniente acudir á ➜ administración ou directamente á persoa responsable (➜ Quen fai que na facultade).

Podo reclamar pola avaliación recibida?

A reclamación pola avaliación das materias está regulada nas Normas de avaliación, revisión e reclamación das cualificacións dos estudos de grao e mestrado universitario (artigos 27 e seguintes).

Aí están recollidos os motivos polos que é posible reclamar e a forma de facelo.

Funcionamento da facultade

Administración

Situada no andar baixo. Horario: 9.00-14.00, luns a venres
Tramita matrículas e cambios de matrícula de mestrados, solicitudes, certificacións etc.
Informa sobre trámites relacionados coas matrículas, recoñecemento de outros estudos etc.

✉ administracion.filoloxia@udc.es
✆ (+34) 881 01 17 14 / 881 01 17 15 / 881 01 17 17

Conserxaría

• Situada no andar baixo, entre a entrada e a biblioteca (v. plano)

• Solicitude de información xeral:

· Onde están as distintas dependencias
· Onde localizar ao profesorado (v. tamén Como localizar a un profesor/unha profesora)
· Obxectos perdidos

• Para informar sobre incidencias, especialmente de aspectos materiais

✉ conserxaria.filoloxia@udc.es
✆ (+34) 881 01 17 13

Biblioteca

115 000 libros físicos á túa disposición. Podes levar até 3 exemplares a casa.
20 000 publicacións electrónicas de subscrición
Espazos de traballo en grupo
250 postos de traballo e estudo individual
Reprografía e escaneado
Web propia da biblioteca: www.udc.es/biblioteca.fil/
Preguntas frecuentes á biblioteca
Localización

✉ biblioteca.fil@udc.gal
✆ (+34) 881 01 17 12

Espazos de traballo en grupo

Sala de traballo (primeiro andar, fronte á administración da Facultade de Turismo)
2 salas de traballo para grupos pequenos (na biblioteca; pregunta ao persoal)