As visitas guiadas nun Campus universitario son recursos educativos que abren a experiencia ás novas xeracións de estudantado, motivándoo para a súa continuidade en formación superior.

A UDC é un bó exemplo para coñecer actuacións de sustentabilidade: sistemas de compostaxe descentralizada de residuos de comedor, planta piloto de depuración por humidal, sistemas de drenaxe urbana sostible, hortas urbanas, xestión eficiente da auga nos centros, proxectos de rehabilitación e eficiencia enerxética en edificios, instalacións de enerxía renovable, solucións baseadas na natureza, infraestrutura verde, entre outras.

A UDC asume o acompañamento e guía do grupo visitante ás instalacións do Campus. Ademais, a UDC farase cargo dos gastos de desprazamento do/s centro/s escollidos, en base á implicación e alcance global do proxecto ‘A Mariña Sustentable’ no centro.

Prazo de solicitude de visitas aos Campus da UDC aberto ata o 6 DE MARZO DE 2026.