A Oficina Europea de Selección de Persoal (EPSO) xestiona o programa EU CAREERS AMBASSADORS. Este programa está destinado a promocionar nas comunidades universitarias as distintas posibilidades de emprego nas institucións europeas.

EPSO é unha oficina interinstitucional que se encarga da selección de persoal principalmente para o Parlamento Europeo, o Consello da Unión Europea, a Comisión Europea, o Tribunal de Xustiza da Unión Europea, o Tribunal de Contas Europeo, o Comité Económico e Social Europeo, o Comité das Rexións, o Servizo Europeo de Acción Exterior, o Defensor do Pobo Europeo e o Supervisor Europeo de Protección de Datos. Cada unha desas institucións contrata persoal a partir dunha listaxe que lle facilita a EPSO.

As función do/a embaixador/a EPSO serán:

1. Actuar como punto de contacto para os/as estudantes interesados/as en desenvolver unha carreira profesional nas institucións europeas 
2. Desenvolver redes universitarias e divulgar información sobre o emprego nas institucións da UE. 
3. Manter unha presenza activa en internet e nas redes sociais. 
4. Dar conferencias, asistir a eventos universitarios sobre saídas profesionais e atopar relatores/as interesantes.
5. Responder ás preguntas sobre oportunidades de carreira na UE. 
6. Buscar grupos destinatarios e establecer contactos cos medios de comunicación universitarios. 
7. Crear listaxes de correos e difundir información sobre o emprego nas institucións da UE a través das canles apropiadas. 

A Universidade da Coruña (UDC) busca a un/unha estudante para que asuma durante o ano académico 2024/2025 as funcións de representante da mencionada Oficina na nosa institución.

Consulta a convocatoria na seguinte ligazón:

Convocatoria Programa EU CAREERS AMBASSADORS 2024/2025 

Formulario de Inscrición

Convocatoria Programa EU CAREERS AMBASSADORS 2023/2024