Exposicións

Exposición no Centro Cultural Universitario: "EXPOCIENCIA-UDC"

Do 15 de marzo ao 21 de abril de 2017


A Unidade de Divulgación Científica e Cultural da UDC presentou unha exposición de posters innovadores relacionados cos seguintes ámbitos: ciencias, ciencias da saúde, e enxeñaría e arquitectura.Os autores dos traballos foron alumnos de graos e másteres, e profesores da UDC.

Esta exposición mostrou temas diversos de química, física, bioloxía ou arquitectura, que formaron parte dos traballos finalistas dos premios da I convocatoria Expociencia-UDC de divulgación científica, en colaboración coa Excma. Deputación Provincial da Coruña, celebrada o día 22 de Decembro do pasado ano.

A exposición comezou a sua itinerancia no Centro Cultural Universitario, no campus de Esteiro de Ferrol (Sala Exposicións, 1º andar), e estivo aberta desde o 15 de marzo ata o día 21 de Abril, en horario de 9.00 h a 21 h.

 

Exposición sobre os campos de refuxiados do Sahara

Do 7 ao 18 de novembro de 2016

 

A exposición que recolleu o traballo fotográfico que realizou o fotógrafo Lucas Blanco e que abordou a situación dos refuxiados no campo de Tinduf, no suroeste de Arxelia.
As fotografías recolleron diferentes aspectos da súa vida nos campos, e estaban feitas coa colaboración da Asociación Asturiana de Solidaridad con el pueblo Saharaui.
A exposición permaneceu até o dia 18 de novembro de 2016, e logo xirou por diversos puntos de España.
Visitouse en horario contínuo desde as 9 até as 21 horas no Centro Cultural de Esteiro, no primeiro andar.
 

Exposición Mulleres nas Bibliotecas da UDC (4ª edición)

Do 1 ao 31 de marzo de 2016

 

Con motivo do Día Internacional das Mulleres, o 8 de marzo de cada ano, a Sala de Exposicións do Centro Cultural Universitario de Esteiro, acolleu esta exposición colectiva biográfica, do 1 ao 31 de marzo de 2016, na que se fixo un homenaxe a mulleres destacadas nos distintos eidos da ciencia, cultura, tecnoloxía ou as artes. O resultado foi unha interesantísima exposición, con case 80 biografías de científicas, enxeñeiras, pintoras, escritoras, arquitectas...etc, que se completou coa colaboración das bibliotecas e se fixo máis accesible a través da web.

A exposición foi organizada pola Oficina para a Igualdade de Xénero, da Vicerreitoría do campus de Ferrol e Responsabilidade Social, en colaboración co Servizo de Biblioteca Universitaria e o Servizo de Normalización Lingüística.

 

 

Exposición das últimas promocións da Aula de Fotografía

De Xaneiro a Marzo 2015

 

Exposición que recolleu o máis importante dos traballos de todos os alumnos das cinco últimas promocións da Aula de Fotografía, 2009-2014.

 

Consideramos que a exposición tivo un valor didáctico importante, e á vez supuxo poñer en valor os traballos fotográficos de rapaces e rapazas, homes e mulleres, que posuen unha gran calidade, mesmo chegando a convertirse, algúns dos alumnos máis veteráns, en auténticos fotógrafos profesionais. É pois, o resultado de moitos anos de traballo baixo a coordinación da profesora e fotógrafa Rocío Brage, do que agora veremos, e celebraremos, os seus froitos.

 

Datos básicos:

  • Centro Cultural Universitario de Esteiro, 1º andar. Visitas de 9:00 a 21 horas.
  • Entrada Libre.
  • Do 29 de xaneiro ao 15 de marzo de 2015.