A Mostra, de Alberto Oro Claro

 

amostra3

Este mércores 6 de xuño inaugurouse a exposición A mostra, de Alberto Oro Claro, no Edificio do Salón de Actos do campus de Esteiro (Ferrol).

O escultor, médico de formación e profesor de INEF na nosa Universidade, presentou en Ferrol parte dunha obra que se compón de obxectos comúns adquiridos en distintos países, transformados para que nada semelle o que parece. Esta mostra pódese situar entre o surrealismo e a arte conceptual.

A exposición, organizada pola Vicerreitoría do Campus de Ferrol e Responsabilidade Social xunto coa Vicerreitoría de Estudantes, Participación e Extensión Universitaria, está aberta até o 29 de xuño.