• Orientacións para o uso da linguaxe inclusiva nas guías docentes
• Axuda para incorporar a perspectiva de xénero na docencia universitaria nos diferentes ámbitos

Títulos novos RD822/2021 curso 24/25:

• Máster Universitario en Tecnoloxía Téxtil e Moda Sustentable
• Máster Universitario en Enxeñaría en Deseño Industrial
• Máster Universitario en Informática Industrial e Robótica
• Máster Universitario en Internet das cousas IoT
• Máster Universitario en Biofabricación

Títulos con modificacións substanciais adaptados ao RD822/2021 curso 24/25:

• Grao en Ciencias da Actividade Física e do Deporte
• Máster Universitario en Ciencias, Tecnoloxías e Xestión Ambiental
• Máster Universitario en Produción Xornalística e Audiovisual

 

Instrucións xerais:

1. Calendario: este calendario será de aplicará a todas as titulacións de todos os centros da UDC, agás para as titulacións da Facultade de Filoloxía (que farán as guías docentes en SIGMA e seguirán un calendario específico).
2. Aplicación na que se farán as guías docentes:

• SIGMA: só para titulacións da Facultade de Filoloxía.
• GADU: todas as titulacións de todos os centros, agás ás da Facultade de Filoloxía.
  • En GADU, no caso de títulos que se impartan en máis dunha modalidade, realizarase unha guía docente por modalidade, cada unha cun código diferente.

(1) Observacións para o/a coordinador/a da titulación:

 1.1. [Novo] Introducir “Resultados de aprendizaxe” en títulos adaptados ao RD 822/2021:

(Só para títulos novos e títulos con modificacións substanciais)

Entre os resultados de aprendizaxe tamén se inclúen aqueles relacionados cos ”Principios e valores democráticos aliñados cos obxectivos de desenvolvemento sustentable (ODS) no deseño dos planes de estudo dos títulos universitarios oficiais da Universidade da Coruña”. Estas categorías recollen e amplían o alcance das denominadas “Competencias tipo C (transversais/nucleares)” da UDC.

1.2. Asignar “Resultados de aprendizaxe” da titulación ás materias:

(Só para títulos novos e títulos con modificacións substanciais - adaptados ao RD 822/2021)

• Asignar en GADU os “Resultados de aprendizaxe” da titulación ás materias segundo recolle a Memoria verificada do Título.
• Dispón do titorial de axuda “Novas funcionalidades en GADU para o perfil Responsable de Titulación” en udc.gal/cufie/GD/materiales, no que se indica o proceso para asignar as competencias a cada materia.

 

(2) Observacións para o/a docente da materia:

2.1. Novos apartados a cubrir na sección “Datos Identificativos”:

• “Modalidade docente”. Indicar, segundo se contemple na memoria de verificación, se a materia é: “Presencial”, “Semipresencial” (Híbrida) ou “A distancia” (Virtual).

 2.2. Observacións xerais para editar, modificar e confirmar as guías docentes

Ao entrar en GADU para elaborar as guías docentes dun novo curso se visualiza unha copia das guías do curso en vigor. Por tanto, o profesorado NON debe usar a función “Importar de” para cargar contido das súas guías.

Para elaborar unha guía docente dun novo curso debe valorar as seguintes situacións e proceder segundo se indica para cada caso:

1. Se non precisa facer cambios:

Confirmar a guía docente no “Paso 10: Confirmar guía docente”, premer “Enviar confirmación” e o semáforo quedará en amarelo. Será función do/a coordinador/a pasar o semáforo a verde unha vez revisada a guía (se procede facelo).

2. Se precisa pequenos cambios:

Fágaos e confirme a guía, deixando o semáforo amarelo para revisión por parte do/a coordinador/a.

3. Se a guía non está feita (baleira por iniciarse a implantación do título) ou está feita pero desexa cambiar todo o seu contido, pode:

• Editar cada un dos pasos para introducir o contido.
• Utilizar a función “Importar de” do panel de materias para importar a guía docente doutra materia que ten a guía feita e contén información común. Realizada a importación, é preciso revisar os distintos apartados para facer os cambios necesarios ou encher os campos baleiros.
• En calquera dos casos, confirmar a guía docente, deixando o semáforo en amarelo para revisión por parte do/a coordinador/a.

2.3. Contribución das metodoloxías e avaliación ao desenvolvemento de competencias/resultados de aprendizaxe do título:

• “Paso1: Competencias do título/Resultados de aprendizaxe en títulos adaptados ao RD 822/2021”: revisar que as materias teñen asignadas as competencias (resultados de aprendizaxe, no caso de titulacións adaptadas ao RD 822/2021) do título segundo recolle a Memoria verificada do Título (ver Portal de Estudos da UDC (http://estudos.udc.es; dende onde se irá a: título/resultados/asegurando a calidade/Memoria do título). Se faltan competencias/resultados de aprendizaxe por asignar ou ten asignadas outras/os que non corresponden á materia, debe comunicalo á Coordinación do Título.
• “Paso 2: Resultados de aprendizaxe”: revisar a asignación dos resultados de aprendizaxe ás competencias do título (so en GADU para títulos no adaptados a RD822/2021).
• “Paso 4: Planificación” e “Paso 7: Avaliación”: indicar na columna “competencias” a contribución das Metodoloxías e dos Sistemas de Avaliación ás competencias/resultados de aprendizaxe do título.
• Dispón dos recursos de apoio en http://www.udc.gal/cufie/GD/materiales:
  • “Novas funcionalidades en GADU para o perfil Profesor” (como reflectir a contribución das metodoloxías/resultados de aprendizaxe e dos sistemas de avaliación ao desenvolvemento das competencias/resultados de aprendizaxe do título asignadas á materia).
  • “Guía para a elaboración das guías docentes de materia na UDC” (se indican, paso a paso, as orientacións metodolóxicas para o deseño das guías docentes).

2.4. Na avaliación deberase indicar:

“Paso 7: Avaliación”, apartado “Observacións”:

• Observacións relevantes para a 1ª oportunidade sobre criterios e actividades de avaliación, peso que terán na avaliación global e porcentaxe que dispensa da asistencia.
• Observacións relevantes para a 2ª oportunidade sobre criterios e actividades de avaliación, peso que terán na avaliación global e porcentaxe que dispensa da asistencia.
• Describir para a oportunidade adiantada os criterios e actividades de avaliación e o seu peso na avaliación global.

(Ver “Guía para a elaboración de guías docentes de materia” pax.35)

 

Respecto ao “alumnado con recoñecemento de dedicación a tempo parcial e dispensa académica”:

[Novo] A fin de simplificar, indicar: “todos os aspectos relacionados con “dispensa académica”, “dedicación ao estudo”, “permanencia” e “fraude académica” rexeranse de acordo coa normativa académica vixente da UDC.” Non é preciso dar mais información ao respecto.

Ademais, poderase recoller:

“Paso 6: Atención personalizada”: describir as medidas de atención personalizada específicas indicando as metodoloxías que se desenvolverán con este alumnado.

2.5. Confirmación da guía docente en:

• “Paso10: Confirmar guía docente”: cada novo curso ao cargar as guías o semáforo aparece en vermello. Premer “Enviar confirmación” e o semáforo quedará en amarelo. Será función do/a coordinador/a pasar o semáforo a verde unha vez revisada a guía (se procede facelo).

 Nota importante: Para acceder á versión das guías anteriores ao curso 15/16 habilitouse unha ligazón na páxina de entrada a GADU (https://guiadocente.udc.es). Na vista pública das guías pódense visualizar e descargar en (pdf) as guías de todo os cursos.

 

A Vicerreitoría de Titulacións e Internacionalización coordina este proceso a través da Área de Guías Docentes do CUFIE, que informa e apoia dende a web http://www.udc.es/cufie/GD, e o correo electrónico gadu@udc.es.

 

A Coruña, 20 de xuño de 2024

Moisés Canle López

Vicerreitor de Titulacións e Internacionalización