Calendario que se seguirá na elaboración das guías docentes das materias para o curso 2021/2022, en títulos de grao e mestrado:

 

• Instrucións do 1 de xullo de 2021 da Secretaría Xeral de Universidades, de previsión de medidas de adaptación das universidades do Sistema universitario de Galicia para o curso 2021/2022
• Orientacións para o uso da linguaxe inclusiva nas guías docentes 

Instrución xeral: as guías docentes faranse tal e como as viñamos facendo antes da pandemia, contando cun escenario de presencialidade (obviamente, no caso das titulacións con modalidade de impartición presencial). Non obstante, seguirán contando co apartado correspondente ao plan de continxencia, onde haberá que incluír a adaptación que se fará nos centros que pola capacidade das súas aulas non poidan manter a presencialidade total nalgunhas materias e tamén as situación nas que haxa que reducir a presencialidade pola aparición dun gromo, estudantado en corentena, etc.

[Novo] No caso de títulos que se impartan en máis dunha modalidade, realizarase a guía docente para cada modalidade. En GADU verase a guía docente da materia para cada modalidade, con cada seu código.

(1) Observacións para o coordinador da titulación:

1.1. [Novo] Introducir as novas competencias “Tipo C: Transversais/Nucleares” e asignalas ás materias:

(Só para títulos novos e títulos modificados que incorporasen estas competencias na Memoria Verifica)

No Consello de Goberno do 31/05/2017 aprobáronse as novas competencias transversais para os títulos da UDC. Todos os títulos novos deben incorporalas (grados e mestrados). Até agora esas competencias segundo o procedemento para a elaboración das guías docentes e de titulacións, aprobado en Consello de Goberno o 28/6/2007, eran 8 e se denominaban "nucleares". O termo de “competencias nucleares”, que se definían como as común a todas as titulacións dunha universidade e que debían ser características do seu alumnado egresado, foi substituído polo de “competencias transversais”.

Ver información completa para facelo en https://www.udc.es/gl/cufie/GD/comp_trans

1.2. Asignar as competencias do título ás materias:

• Asigna en GADU as competencias do titulo ás materias segundo recolle a Memoria do Título (ver Portal de Estudos da UDC (http://estudos.udc.es; dende onde se irá a: título/resultados/asegurando a calidade/Memoria do título). Se xa as asignou en cursos anteriores non é preciso facelo de novo, salvo que haxa algún erro ou sexa preciso facer modificacións polos cambios realizados na memoria do título.
• Dispón do titorial de axuda “Novas funcionalidades en GADU para o perfil Responsable de Titulación” en udc.gal/cufie/GD/materiales, no que se indica o proceso para asignar as competencias a cada materia.

(2) Observacións para o profesorado da materia:

2.1. Novos apartados a cubrir na sección “Datos Identificativos”:

• "Modalidade docente”. Indicar segundo se contempla para a materia/título: “Presencial”, “Semipresencial” ou “A distancia”.
• “Plan de continxencia”. Indicaranse cales son as adaptacións que se levarán a cabo na docencia e na avaliación, se nos enfrontamos a un escenario de non presencialidade por un novo abrocho da pandemia, ou en caso de que por problemas de espazo nas aulas non se poda garantir o 100% da presencialidade para a docencia expositiva. Elaborarase seguindo os apartados que figuraban no modelo de addenda que se proporcionou no documento de Medidas para a finalización do curso académico 19-20.

Debe cubrirse nas materias, nas que se poidan dar estes escenarios:

1. Materias con docencia presencial que pasen a docencia a distancia.
2. Materias con docencia semipresencial que pasen a docencia a distancia.

Exemplo Plan de continxencia (pdf)
Apartados Plan de continxencia (word)

[Novo]  Destacamos que, tal e como figura en las instrucións da Consellería, a ACSUG realizará un seguimento aleatorio dos plans de continxencia incluídos nas guías docentes publicadas para o curso 2021/2122. Este seguimento afectará a un 10% das materias de grao e mestrado, con especial atención a aquelas nas que se detectaran carencias ou erros en seguimentos anteriores. Lembramos que no mes de outubro remitiuse aos centros un arquivo no que figuraba a revisión que fixo a ACSUG dos plans de continxencia de todas as materias das titulacións. Haberá, pois, que revisar con especial coidado aquelas materias nas que a ACSUG detectou algún tipo de problema.

2.2. Observacións xerais para editar, modificar e confirmar as guías docentes

O profesorado das materias debe saber que ao entrar en GADU para elaborar as guías docentes dun novo curso xa visualiza unha copia das guías docentes do curso actual. Deste modo, as guías que ve do curso vindeiro é unha copia das guías docentes do curso actual. Polo tanto, o profesorado NON precisa e NON debe usar a función “Importar de” do panel de materias para cargar o contido das súas guías.

Para elaborar unha guía docente dun novo curso o profesorado debe valorar as seguintes situacións e proceder segundo se indica para cada caso:

1.    Se non precisa facer cambios:
1.1. Só debe confirmar a guía docente. Para iso ten que ir ao “Paso 10: Confirmar guía docente”, premer “Enviar confirmación” e, unha vez que o semáforo se pon en amarelo, premer sobre a luz verde do semáforo.

2.    Se precisa facer pequenos cambios:
2.1. Ir a cada un dos pasos da guía para facer os cambios necesarios.
2.2. Confirmar a guía docente.

3.    Se a guía non está feita (está valeira por ser a materia dun título que inicia a súa implantación por primeira vez) ou está feita e vai cambiar todo o seu contido. Neste caso ten dúas opcións:
3.1. Ben editar cada un dos pasos da guía para introducir o seu contido.
3.2. Ben utilizar a función “Importar de” do panel de materias para importar a guía docente doutra materia que ten a guía feita, xa que contén información que pode ser común a ambas materias (contidos, metodoloxías, atención personalizada, observacións da avaliación e/ou fontes de información). Neste caso, unha vez feita a importación, o profesorado sempre debe editar e completar os seguintes pasos da guía docente (xa que o seu contido é específico da materia en relación coas competencias propias da titulación): “Paso 2: Resultados de aprendizaxe”, “Paso 4: Planificación”, “Paso 7: Avaliación”. Os demais pasos importados (“Paso 3: Contidos”, “Paso 5: Metodoloxías”, “Paso 6: Atención personalizada”, “Paso 8: Fontes de información” e “Paso 9: Recomendacións”. O profesorado debe revisar estes apartados para facer os cambios necesarios ou confirmar o mesmo contido importado.
3.3. Logo debe confirmar a guía docente.

2.3. A contribución das metodoloxías e da avaliación ao desenvolvemento das competencias do título:

• “Paso 1: Competencias do título”: revisa que as materias teñen asignadas as competencias do título segundo recolle a Memoria do Título (ver Portal de Estudos da UDC (http://estudos.udc.es; dende onde se irá a: título/resultados/asegurando a calidade/Memoria do título). Se faltan competencias por asignar ou ten asignadas outras que non corresponden á materia, debe comunicalo ao Coordinador do Título.
• “Paso 2: Resultados de aprendizaxe”: revisa a asignación dos resultados de aprendizaxe ás competencias do título.
• “Paso 4: Planificación” e “Paso 7: Avaliación”: indica na columna “competencias” a contribución das Metodoloxías e dos Sistemas de Avaliación ás competencias do título.
• Dispón dos recursos de apoio en http://www.udc.gal/cufie/GD/materiales:
  • “Novas funcionalidades en GADU para o perfil Profesor”, no que se indica como reflectir a contribución das metodoloxías e dos sistemas de avaliación ao desenvolvemento das competencias do título asignadas á materia.
  • “Guía para a elaboración das guías docentes de materia na UDC”, a través da que se indican, paso a paso, as orientacións metodolóxicas para o deseño das guías docentes de materia.

2.4. A avaliación e o “alumnado con recoñecemento de dedicación a tempo parcial e dispensa académica de exención de asistencia”:

Segundo establece a "Norma que regula o réxime de dedicación ao estudo dos estudantes de grao na UDC” (Art.3.b e 4.5) e as “Normas de avaliación, revisión e reclamación das cualificacións dos estudos de grao e mestrado universitario (Art. 3 e 8b), o profesorado recollerá nas guías docentes de maneira específica as medidas de dedicación para o “Alumnado con recoñecemento de dedicación a tempo parcial e dispensa académica de exención de asistencia”.

En consonancia con estas normas, poderase recoller nas guías docentes seguindo as seguintes recomendacións:

1. “Paso 6: Atención personalizada”: describir as medidas de atención personalizada específicas indicando as metodoloxías (dinámicas de traballo) que se desenvolverán con este alumnado para o estudo da materia.
2. “Paso 7: Avaliación”, apartado “Observacións"
   a.  Describir para a primeira oportunidade os criterios e actividades de avaliación para este alumnado, o peso que terán na avaliación, e a porcentaxe que dispensa da asistencia.
   b.  Describir para a segunda oportunidade os criterios e actividades de avaliación para este alumando e o peso que terán na avaliación.
   (Ver “Guía para a elaboración de guías docentes de materia” pax.35)
   c.  [Novo]  Describir as implicacións do plaxio na realización das probas ou actividades de avaliación indicando, por exemplo: "A realización fraudulenta das probas ou actividades de avaliación, unha vez comprobada, implicará directamente a cualificación de suspesno "0" na materia na oportunidade correspondente".

2.5. Confirmación da guía docente en:

• “Paso 10: Confirmar guía docente”: cada novo curso ao cargar as guías o semáforo aparece en vermello. O profesorado debe confirmar a guía docente e poñer o semáforo en verde (estado finalizada).

Nota importante: Para acceder á versión das guías anterior ao curso 15/16 habilitouse unha ligazón na páxina de entrada a GADU (https://guiadocente.udc.es). Na vista pública das guías pódense visualizar e descargar en (pdf) as guías de tódolos cursos.

A Vicerreitoría de Planificación Académica e Innovación Docente coordina este proceso a través da Área de Guías Docentes do CUFIE, da que recibirán puntualmente a información e apoio necesario dende a súa web http://www.udc.es/cufie/GD, e a través do correo electrónico gadu@udc.es.

A Coruña, 7 de xullo de 2021

Nancy Vázquez Veiga

Vicerreitora de Planificación Académica e Innovación Docente