) smh.jpg "CP_SPC_8_11 (ASU Gila River Relocation Center Photographs (1942-1945))")
Financiamento:
Axencia Estatal de Investigación e UE (FEDER)
Período: 2016-2018
En resposta á urxente tarefa de explorar a relación entre literatura e globalización, a finalidade principal do noso proxecto de investigación é aplicar un enfoque transnacional tanto á literatura americana (dos Estados Unidos) como ao propio eido dos Estudos Americanos. Conforme á nosa hipótese de traballo inicial, a literatura americana contemporánea tanto se enmarca dentro fenómeno da globalización como o cuestiona.
Dada a natureza sociolóxica, ademais de discursiva, do concepto de globalización, este proxecto de investigación terá unha marcada esencia multidisciplinar. Por unha banda, cimentarase sobre os sólidos piares da crítica cultural e literaria; por outra, a nosa investigación dependerá de estudos significativos relacionados coas ciencias sociais, especialmente dos Estudos da Globalización; e, por último, a nosa análise beberá de diversas fontes primarias, un corpus narrativo limitado, que servirá como campo de probas para as nosas premisas iniciais.
O noso proxecto inclúe catro liñas que se complementan entre sí:
A primeira liña de investigación encóntrase precisamente nas premisas teóricas dos Estudos Americanos Transnacionais. Como o paradigma transnacional que xorde do proceso de globalización cuestiona a mera existencia de entidades nacionais, ou polo menos dos tradicionais estados nación (e os Estados Unidos non son alleos a este proceso), o que entendendemos por literatura e cultura americanas será tratado en primeiro lugar.
Ademais, neste contexto global, poderiamos pensar no futuro das literaturas "étnicas" que veñen enfatizando historicamente cuestións de identitidade cultural específica e que, xeración tras xeración, poderían enfrontarse coa disolución das súas peculiaridades.
A fisura do modelo de emigración unidireccional tradicional, erosionado pola crecente mobilidade de individuos que produciu a aparación de novas identidades, anímanos necesariamente a reconsiderar o paradigma ético americano, especialmente visible na narrativa máis contemporánea. Por outra banda, a literatura americana recente non queda á marxe da insatisfacción creada pola globalización hexemónica fan resoar as principais cuestións plantexadas polos globalismos críticos. Nunha terceira liña de investigación, por tanto, abordaremos estes textos literarios desde a perspectiva dos novos modelos que xorden dos discursos críticos coa globalización hexemónica.
Aínda que a percepción máis extendida da nova orde global continúa a ser que os Estados Unidos están a “coca-colonizar” o resto do mundo, a medida que pasa o tempo, hai cada vez máis sinais que indican unha influencia mutua. Esta maior ou menor reciprocidade asimétrica, que algúns pensadores denominan transculturalidade, é simultaneamente causa e consecuencia de produción literaria e cultural. Na nosa análise da literatura de globalización, averiguaremos a maneira en que a literatura americana promove, reflicte ou problematiza a transculturalidade.
O noso proxecto de investigación produciu diversas publicacións e comunicacións:
UDC
