Servizo de atención psicolóxica en liña ou presencial para membros da comunidade UDC e as súas familias. Podes solicitar cita chamando ao teléfono 646 102 004 ou a través do correo afrontemos@udc.es ou do servizo UDC Saudable.
A Unidade de Atención á Diversidade (ADI) facilita e promove a plena integración do alumnado que presente algún tipo de discapacidade física, psíquica ou sensorial e/ou con necesidades específicas de apoio educativo.
A Unidade de Atención á Comunidade Universitaria LGTBIQ+ presta un servizo de apoio a estudantes, profesorado e persoal técnico, de xestión e de administración e servizos.
A Oficina para a Igualdade de Xénero é a encargada de asesorar, coordinar e avaliar a incorporación transversal da igualdade entre mulleres e homes no desenvolvemento das políticas universitarias, así como incluír a perspectiva de xénero no conxunto de actividades e funcións da universidade (art. 43.2 LOSU).
Na UDC está implantado un Plan de igualdade entre mulleres e homes e mais un Protocolo fronte ao acoso sexual, por razon de sexo orientación sexual e identidade ou expresión de xénero na UDC.
Se es vitima ou coñecedora de algún caso de acoso sexual ou por razón de sexo podes denuncialo ante a directora da Oficina para a Igualdade de Xénero a través do correo electrónico directora.oix@udc.es.