En vista do éxito da edición anterior, a Vicerreitoría de Planificación Académica e Innovación Docente quere continuar premiando a dedicación do profesorado mediante a convocatoria da 2ª edición dos premios ás mellores experiencias de innovación docente presentadas nestas xornadas.

Nesta ocasión, os premios non serán económicos senón en forma de equipamento tecnolóxico e están patrocinados e financiados por varias cátedras da UDC.

A continuación describimos con máis detalle cada un dos premios:

• Dous premios á "Mellor experiencia docente 2022" patrocinados pola Cátedra Vegalsa-Eroski de Compromiso social, Comunicación e Reputación corporativa  e pola Cátedra R en Ciberseguridade.
• Un premio especial "Mellor experiencia docente 2022 en materia de atención á diversidade " patrocinado pola  Cátedra NNTT Data en Diversidade e Tecnoloxía. Serán candidatas ao premio especial soamente aquelas experiencias que se adscriban á liña temática 10. 
  

Todos os premios terán a mesma dotación: Unha tablet de alta gama e certificación acreditativa.

O proceso de valoración das experiencias presentadas terá dúas fases:

• Fase 1. Votación do público:

Entre os días 7 e 13 de maio (ata as 15 horas) todas as persoas inscritas nas xornadas poderán votar de xeito anónimo a través dun formulario. Poderanse emitir dous votos, un para os premios á mellor experiencia docente e outro para o premio especial.                     
Transcorrido o prazo de votación publicaranse os resultados. As experiencias candidatas ordenaranse segundo o número de votos recibidos e seleccionaranse as experiencias que se corresponden cos 10 valores máis altos para os premios á mellor experiencia docente e os 5 valores máis altos para o premio especial.

• Fase 2. Valoración do xurado:

As experiencias seleccionadas como resultado da fase 1 serán avaliadas por un xurado que estará formado polas seguintes persoas:

• Alexandre Sotelino Losada. Profesor da USC. Membro do grupo de Investigación ESCULCA.
• Jorge Soto Carballo. Vicerreitor do Campus de Pontevedra da UVIGO e Doutor en CC. da Educación.
• Carmen Costa Sánchez. Directora da Cátedra Vegalsa-Eroski de Compromiso social, Comunicación e Reputación corporativa
• Luis Hervella Nieto. Director da Cátedra NNTT Data en Diversidade e Tecnoloxía
• José Carlos Dafonte Vázquez. Director da Cátedra R de Ciberseguridade

O xurado dará prioridade aos criterios de calidade pedagóxica (60%) sobre os técnicos (20%) e os relacionados coa innovación (20%). O fallo do xurado será inapelable. Os premios entregaranse durante o acto de clausura das xornadas no salón de actos da Facultade de Ciencias da Educación o día 20 de maio de 2022.

Ver bases e criterios de valoración dos premios

Experiencias premiadas:

• Uso de Instagram como ferramenta docente da materia de Ortopodoloxía Clínica do Grao en Podoloxía. Fátima Santalla Borreiros, Manuel Romero Soto, Sergio Pérez García e Pedro Gil Manso. Patrocinado pola Cátedra R de Ciberseguridade. 
• Proxecto Soka. Música e teatro para a toma de conciencia  sobre a violencia escolar. Rocío Chao Fernández, Vicente Castro Alonso, Aurelio Chao Fernández e Francisco C. Rosa Napal. Patrocinado pola Cátedra Vegalsa-Eroski de Compromiso social, Comunicación e Reputación corporativa
• Premio especial en materia de Atención á diversidade: Bibliodiversidade sonora. APS para a educación en diversidade afectivo sexual. Teresa Piñeiro Otero, Renèe de Palma Úngaro e Ana María Amigo Ventureira. Patrocinado pola Cátedra NNTT Data en Diversidade de Tecnoloxía.