Modalidades de presentación de traballos
Os traballos presentados deberán axustarse ás seguintes modalidades:
a) Comunicación oral
b) Póster
Idiomas de presentación dos traballos
Tanto resumos coma Comunicacións ou Pósters poderán ser presentados en calquera dos idiomas seguintes:
Eixos temáticos
Os traballos integraranse nalgún dos seguintes eixos temáticos estratéxicos:
- Aplicación educativa das Tecnoloxías da Información e da Comunicación (TIC): Plataforma Moodle, edublogs, contidos multimedia educativos, portafolios dixitais, gamificación, realidade virtual e aumentada, redes sociais, software educativo.
- Impulso da Responsabilidade Social Universitaria: Aprendizaxe servizo, atención á diversidade, sostibilidade e perspectiva de xénero.
- Metodoloxías activas: Aprendizaxe Basado en Proxectos, Aprendizaxe basado en Problemas, Método de Caso, Aprendizaxe Cooperativo/Colaborativo, Flipped Classroom, Design Thinking.
- Recursos para a avaliación das aprendizaxes: Rúbricas, portfolios, diarios de aprendizaxe.
- Xestión de centros e colaboración entre docentes: Traballo colaborativo entre docentes, comunidades de aprendizaxe docente, proxectos de formación en centros, proxectos interdisciplinares e proxectos interuniversitarios.
Presentación de resumos
Para presentar un traballo tanto en modalidade Comunicación coma en modalidade Póster, cómpre enviar previamente un resumo ou abstract que constará entre 300 e 500 palabras que inclúa os seguintes aspectos:
- Título da proposta
- Autor/autores (nome e contacto)
- Modalidade (comunicación ou póster)
- Eixo/s temático/s no/s que se integra a proposta
- Resumo
Os resumos entregaranse vía correo electrónico ao seguinte enderezo: innovacion.cufie@udc.es especificando no asunto: resumo udcinnova- nome do autor/a.
Modelo para a elaboración da proposta de comunicación e póster.
Prazos de presentación de resumos
Do 12 de xuño ao 21 de xullo de 2017
Normas para a presentación de pósters definitivos
1. Formato
- Os pósters impresos axustaranse ao formato DIN A1 (594mm x 841mm) con orientación vertical.
2. Contido
- Levarán un encabezado co título, lema e lugar e data de celebración das xornadas na tipografía corporativa da UDC (Arial ou Helvética). A continuación, o título do póster na mesma tipografía (con maior tamaño e negriña) que deberá ser o mesmo ao presentado no resumo correspondente.
- No pé de páxina irán os nomes das persoas autoras e un mail de contacto, así como os logos da Vicerreitoría de Oferta Académica e Innovación Docente e o do Cufie.
- Aconséllase expoñer o contido de xeito claro e sinxelo, empregando o mínimo texto posible (nas tipografías corporativas) e facendo uso de recursos gráficos (imaxes, ilustracións, gráficos, táboas, etc.). No caso de incluír referencias bibliográficas, estas axustaranse ás Normas APA.
- Para maior comodidade dos participantes proporcionamos o modelo de póster en ppt e pdf, así como os logos necesarios para o pé de páxina:
Modelo póster en ppt
Modelo póster en pdf
Logo Vicerreitoría de Oferta Académica e Innovación Docente
Logo Cufie
3. Colocación e presentación
- O/as autor/as do póster responsabilizaranse da súa impresión, traslado e colocación durante a mañá do día 27 de outubro nos paneis habilitados ao efecto na planta -3 da Fac. de Educación para a súa exhibición nas Xornadas. Haberá persoal de apoio para axudar na colocación. Aqueles autores que o prefiran poden facernos chegar o póster impreso ao Cufie (persoalmente ou por correo interno) coa suficiente antelación para que o coloquemos nós o día antes das xornadas.
- Cada póster será exhibido durante toda a xornada e o/as autore/as deberán estar presentes na franxa horaria que se comunicará polo Comité Organizador para explicar o seu traballo ás personas interesadas.
Normas para a presentación de comunicacións definitivas
- As comunicacións elaboraranse en formato powerpoint, impress ou similar.
- Cada poñente responsabilizarase de levar a presentación para expoñela desde o equipo da aula correspondente. Non se poderán utilizar, pois, dispositivos tecnolóxicos persoais para proxectar a presentación.
- Cada poñente disporá de 20 minutos totais para a exposición oral e a rolda de preguntas. A exposición oral en ningún caso excederá de 15 minutos. Recoméndase o formato PECHA KUCHA que consiste en :
- Tempo: 6 min. 40 seg.
- Formato 20 x 20: 20 diapositivas de 20 segundos cada unha.
- Transición automática entre diapositivas
O obxectivo destas normas é favorecer un formato áxil e dinámico de comunicación onde prevaleza a participación, o debate e o intercambio de ideas.
Normas para o envío de textos destinados á publicación dixital
O/as autore/as cuxos traballos foron seleccionados para seren expostos nas II Xornadas de Innovación Docente teñen de prazo ata o día 30 de novembro de 2017 para entregaren os textos destinados á súa publicación dixital.
Ditos textos, deberán axustarse aos modelos e instruccións que achegamos a continuación e enviaranse ao correo electrónico innovacion.cufie@udc.es
Enviar o texto segundo o modelo proporcionado aquí debaixo, en formato Word ou OpenOffice co Asunto: texto completo+ Título da comunicación.
Modelo para texto completo de comunicación oral
- Para os paneis de experiencias:
Empregarase o mesmo modelo das comunicacións orais e enviarase co Asunto: Texto completo+Título do panel.
Para os pósters precisamos que enviedes dous arquivos: por unha banda o texto co resumo e as referencias bibliográficas segundo o modelo que podedes descargar aquí debaixo; e por outra, o arquivo orixinal en PPT no que fixestes a maquetación do póster para a súa exposición. Titulade ambos arquivos co o número de póster que tedes asignado nas xornadas (P1, P2, P3, etc.) e enviádeos co Asunto: Texto completo+P1/P2...
Modelo para texto completo de póster