A Universidade da Coruña (UDC) e o Banco Santander, co ánimo de recoñecer ao estudantado cos mellores expedientes académicos e garantir a igualdade de oportunidades, convocan 250 bolsas do Programa de Bolsas Santander Estudos Axuda Económica 2025/2026 cuxo importe é de 1000 euros.
As bolsas irán dirixidas ao estudantado a tempo completo no curso académico 2025/26:
- 175 bolsas para grao.
- 75 bolsas para máster.
O prazo de solicitude comeza o 1 de outubro de 2025 e remata ás 23:00 horas do 15 de outubro de 2025.
O procedemento de solicitude é integramente telemático, e deberá empregarse o enderezo de correo institucional da UDC.
É obrigatorio facer a inscrición a través de dúas plataformas:
- UDC: na secretaría virtual da persoa solicitante: https://www.udc.es/es/estudantes/secretaria-virtual/
- Banco Santander: na lizagón: https://app.santanderopenacademy.com/es/program/ayuda-economica-2025.
As persoas interesadas disporán dun prazo de cinco días hábiles, contados a partir do día hábil seguinte á publicación desta resolución na Sede Electrónica da UDC, para presentar, de ser o caso, unha alegación e/ou achegar a documentación requirida á Sección de Bolsas:
Publicada a listaxe definitiva de persoas con bolsa concedida, denegada e a listaxe de agarda.
O prazo de aceptación será dende o 11 ao 17 de novembro de 2025
IMPORTANTE: Este ano, como novidade, deberá aceptar/renunciar o alumnado con bolsa concedida e o alumnado en listaxe de agarda, neste último caso, condicionada á obtención de bolsa tras producirse renuncias.
O procedemento para a aceptación/renuncia da bolsa é o seguinte:
A) Persoas coa Bolsa Santander Axuda Económica 2025-26 concedida
- As persoas coa bolsa concedida disporán dun prazo de cinco días hábiles, contados a partir do día seguinte á publicación desta resolución no Taboleiro Electrónico Oficial da UDC (TEO), para aceptar a bolsa no formulario ao que poderán acceder ao pé desta páxina.
Os documentos que deben achegar no dito formulario, asinados dixitalmente ou manualmente e escaneados, son:
Non presentar a aceptación, no prazo establecido, a través do formulario da UDC, entenderase como renuncia á bolsa.
- No mesmo prazo de cinco días hábiles, deberán solicitar a “alta de terceiros” no sistema contable da UDC, da conta do banco Santander da que deben ser titulares, a través da Sede Electrónica:
https://sede.udc.gal/services/procedures/ECO_003/xestion_terceiros/new
Durante o proceso terá que subir un documento xustificativo do número de conta para a alta e outro arquivo con copia do documento de identificación, sendo soamente válidos DNI ou NIE. Non é válido o pasaporte.
- Deberán aceptar a bolsa na plataforma do Banco Santander, a través da ligazón
https://app.santanderopenacademy.com/es/program/ayuda-economica-2025, no prazo de sete días naturais, a partir do 30 de novembro, unha vez recibida a notificación da concesión por parte do Banco Santander.
B) Persoas en listaxe de agarda da Bolsa Santander Axuda Económica 2025-26
- As persoas que figuren na listaxe de agarda, disporán dun prazo de cinco días hábiles, contados a partir do día seguinte á publicación desta resolución no Taboleiro Electrónico Oficial da UDC (TEO), para manifestar a súa aceptación ou renuncia, condicionada á obtención da bolsa no caso de que esta lle fora concedida tras producirse vacantes, a través do formulario ao que poderán acceder ao pé desta páxina.
Non presentar a aceptación, no prazo establecido, a través do formulario da UDC, entenderase como renuncia á bolsa.
- Unha vez rematado o prazo de aceptación e renuncia das bolsas, o alumnado que figura na listaxe de agarda e que finalmente teña acadada a Bolsa Santander Axuda Económica 2025 tras producirse renuncias de persoas coa axuda concedida, recibirán unha comunicación electrónica dende a Sección de Bolsas, na súa conta de correo institucional@udc.es, informándolle de tal aspecto e coas indicacións para proceder co resto da tramitación (alta da conta bancaria e aceptación da bolsa na plataforma do Banco Santander).