(18/05/2026) 

Publicadas no TEO (Taboleiro Electrónico Oficial) da sede electrónica da UDC a listaxe definitiva de persoas admitidas con destino adxudicado (pendente de aceptación), listaxes de espera por ámbito de coñecemento e listaxe definitiva de persoas non admitidas cos motivos de exclusión:

https://sede.udc.gal/services/electronic_board/EXP2026/005778

Ábrese un prazo de 4 días hábiles, que contarán a partir do día seguinte ao da súa publicación, para que as persoas con destino adxudicado presenten a ACEPTACIÓN ou RENUNCIA da bolsa de prácticas. Para isto, as persoas beneficiarias teñen que: 

• Cubrir e asinar (preferentemente con sinatura electrónica) o seguinte documento:

Aceptación e declaración xurada ou renuncia (Anexo I e Anexo II)

• Subir este documento ao formulario (prazo de 4 días laborais dende o 19 de maio de 2026):

https://forms.cloud.microsoft/e/Z4hYWGChwp?origin=lprLink

(24/04/2026)
Publicadas as listaxes provisionais de persoas admitidas e non admitidas cos motivos de exclusión

Todas as persoas inscritas no Programa de Prácticas Externas Campus Rural 2026 (V edición) poden consultar as listaxes provisionais de persoas admitidas e excluídas cos motivos de exclusión na seguinte ligazón:

https://sede.udc.gal/services/electronic_board/EXP2026/004859

Prazo de emenda de erros

Ábrese un prazo de emenda de erros desde o día 27 de abril de 2026 até o día 30 de abril de 2026 a través do seguinte formulario: 

https://forms.cloud.microsoft/e/PKtn426Ru2?origin=lprLink

En que consisten as prácticas do Programa Campus Rural?

• Prácticas externas: Extracurriculares ou curriculares (co acordo do centro de estudos).
• Entidades colaboradoras: Entidades públicas (concellos, mancomunidades etc.) e privadas (empresas, fundacións, ONG, asociacións relacionadas co desenvolvemento rural etc.) situadas en zonas rurais con problemas de despoboamento, de Galicia e doutras autonomías do Estado. Darase preferencia ás entidades colaboradoras de fóra da provincia da Coruña (segundo o convenio asinado entre a UDC e o Ministerio para a Transición Ecolóxica e o Reto Demográfico -MITERD). Tamén terán preferencia as entidades que dean solución habitacional ao estudantado de prácticas. 
• Lugares: municipios de Galicia e do Estado situados en zonas rurais con problemas de despoboamento. 
• Iniciativa: Do Ministerio para a Transición Ecolóxica e o Reto Demográfico (MITERD), que achega o 90% do custo total do programa (que é de 79.929 €), en colaboración co Ministerio de Ciencia, Innovación e Universidades e a Conferencia de Reitores de Universidades Españolas (CRUE). A UDC colabora todos os anos co programa. Esta será xa a súa V edición e a UDC achega o 10% dese custo total.

• Filosofía do programa: Que o estudantado universitario viva unha auténtica experiencia de inmersión cultural e, simultaneamente desenvolva competencias tanto específicas coma transversais propias dos seus estudos, e que contemple para o futuro outras posibilidades de emprego máis alá de zonas máis poboadas e industrializadas. 
• Aloxamento do estudantado en prácticas: Tal e como se establece na convocatoria, o estudantado beneficiario das prácticas terá que residir no mesmo municipio en que as realice; se isto non é posible, poderá residir en municipios de similares características situados a unha distancia non superior a 20 km do lugar de realización das prácticas, co visto bo da UDC e do MITERD (+ info na convocatoria). 
• Entidades preferentes: Terán preferencia aquelas prácticas realizadas fóra da provincia da Coruña da listaxe de ofertas das entidades que figuran no Anexo I da convocatoria. Nas fichas das empresas indícase se a entidade colaboradora facilita o aloxamento, procura información ou axuda (incluída monetaria). Darase preferencia ás prácticas ofertadas polas entidades que faciliten aloxamento e/ou faciliten unha axuda e a aquelas que axuden con información relevante sobre as posibilidades de aloxamento. 
• Convenio MITERD-UDC
• Guía de recomendacións xerais do MITERD 

As entidades colaboradoras (empresas, entidades públicas, asociacións, fundacións etc.) non terán que asumir custo algún, xa que o programa é totalmente gratuíto para elas. A UDC realizará a selección das prácticas no marco da súa capacidade autoorganizativa e poderá adoitar criterios propios de selección, así como aqueles necesarios para xestionar os casos de renuncia.