O RUC é un repositorio de acceso aberto creado para difundir e preservar a documentación dixital derivada da actividade investigadora, docente e institucional dos membros da UDC.

En RUC publícanse artigos de revistas, relatorios, teses de doutoramento e outros traballos académicos:

Documentos de investigación:

• Estes documentos, na súa maioría, son depositados pola Biblioteca a instancia de solicitude dos autores/as a través do arquivo delegado. Estes/as poñeranse en contacto coa súa biblioteca de centro e asinarán unha autorización para arquivar e difundir os seus documentos no RUC. 
• No caso dos traballos publicados en acceso aberto e cunha licenza Creative Commons, a biblioteca poderá facer o depósito de forma directa sen que sexa necesario que o/a autor/a tome a iniciativa nin que se requira a súa autorización.

Teses de doutoramento:

• Todas as teses lidas despois do 12 de febreiro de 2012 serán publicadas no Repositorio. O autor ten que asinar a Declaración para o depósito no Repositorio Institucional da UDC (RUC).
• As teses lidas antes do 12 de febreiro de 2012 requiren a firma dun contrato entre a Universidade e o autor para ser publicadas no RUC.
• Os doutores da UDC poden solicitar en calquera momento que a súa tese de doutoramento sexa publicada no RUC. Máis información: procesotecnico.bib@udc.es

Traballos académicos: traballos fin de grao/traballos fin de mestrado:

• Publicaranse no RUC aqueles traballos académicos seleccionados polas comisións responsables dos traballos.