A UDC aposta polo seu futuro a través do desenvolvemento dunha investigación de calidade. Insistir nas liñas de investigación tradicionais, apoiar aquelas que, aínda menos desenvoltas, poden ser de interese para unha sociedade en cambio e tender lazos de unión coas empresas e institucións do noso contorno son criterios que moven a actividade investigadora desta Universidade.

FUNCIÓN PRINCIPAL

O Servizo de Investigación é o encargado da xestión administrativa da actividade de I D i dentro da UDC. Entre as súas funcións destacan as seguintes:

• Xestión dos proxectos, accións complementarias e convenios de investigación.
• Xestión de RRHH relacionados coa investigación.
• Xestión da xustificación do gasto en canto a proxectos e convenios de investigación.
• Xestión das distintas axudas á investigación do Vicerreitorado de Investigación e Transferencia.
• Apoio á participacion dos grupos de interese da UDC nas convocatorias de axudas a I D i das diferentes administracións e entidades.