O Marzo Ambiental 2025 é un ciclo de actividades diversas que constitúe unha peza clave de educación para a sustentabilidade na UDC.

Está organizado pola Oficina de Sustentabilidade e os Comités Green Campus da UDC, e conta tanto con actividades teóricas (palestras, mesas redondas) como prácticas (obradoiros, visitas técnicas, voluntariado ambiental), achegando unha perspectiva ampla á realidade climática e de sustentabilidade actual.

A programación desenvolverase entre o 6 e o 31 de marzo, podendo escollerse o tema, o lugar e o momento da participación. 

• Inscrición necesaria para todas as actividades. FORMULARIO INSCRICIÓN  
• Folleto coa PROGRAMACIÓN: DESCÁRGAO AQUÍ
• Participación gratuíta. Prazas limitadas. 
• Certificado de asistencia e aproveitamento pola UDC. 
• Recoñecemento de créditos para estudantes de grao da UDC (1C por cada 10 h. de participación). 

A sustentabilidade é un eixo estratéxico da UDC, reforzada co  Programa Green Campus, no que xa son 13 bandeiras verdes concedidas a centros da UDC a través dunha auditora externa. A UDC acada así o recoñecemento en materia de sustentabilidade, situándose como a 186º Universidade máis sustentable do mundo, e obtendo o 6º lugar entre as Universidades españolas (1.477 e 32 Universidades presentadas, respectivamente), segundo a valoración internacional Green Metric 2024.