O proceso de trámite para a posta en marcha dun novo estudo propio de posgrao é o que segue:

1. Remitir á UEPP a solicitude de implantación segundo o modelo normalizado (Solicitude de implantación)
2. A solicitude irá necesariamente acompañada de:
   • Proxecto de implantación segundo o modelo normalizado (Proxecto de implantación).
   • "Ficha resumo" da proposta segundo o modelo normalizado (Ficha Resumo Master/Curso de Especialización, Ficha Resumo Curso de Formación Específica de Posgrao). No caso de que a proposta inclúa cursos derivados, deberá cubrise unha ficha por cada un deles.
   • Certificación da unidade académica responsable do estudo en que se avale a solicitude de implantación.(Certificación da Unidade Académica Responsable)
   • Aceptación asinada de cada profesor proposto para participar no estudo (Modelo de aceptación de participación do profesorado).
   • Modelo de enquisa de avaliación do profesorado e do propio estudo de posgrao (Modelo enquisa de avaliación).
   • Póliza de seguros para cubrir, polo menos, os alumnos que non dispoñan de seguro escolar. Presentarase, así mesmo, un compromiso de realizar o seguro que asinará o director (Modelo de compromiso de firma do seguro) ou mesmo unha proposta concreta dunha entidade aseguradora.
   • Visto e prace da dirección do centro onde se impartirán as clases presenciais (Visto e prace da dirección do centro de impartición).
   • Novo Modelo Convenio Contidos Mínimos para Prácticas (Modelo Convenio Contidos Mínimos para Prácticas Títulos Propios_2022)  (cando o título propio contemple a realización de prácticas externas promovidas pla entidade colaboradora)
3. A UEPP realizará un informe preliminar sobre a idoneidade de novas propostas de estudos propios de posgrao e/ou solicitudes de modificacións de cursos xa implantados.
4. As propostas serán informadas pola CEPP. As informadas favorablemente someteranse á consideración do Consello de Goberno, e no seu caso, do Consello Social. Caso de o informe ser desfavorable, as propostas serán devoltas aos propoñentes xunto cunha copia do informe razoado da comisión que xustifique a súa devolución. 
5. Tras a aprobación ou a denegación do curso propio de posgrao por parte do Consello de Goberno, comunicarase ao solicitante da implantación do estudo, a través da UEPP, de forma oficial e razoada, a decisión que se tomar. O propoñente asumirá o desenvolvemento do curso ou presentará, se o estimar oportuno, unha proposta modificada que será novamente analizada.
6. A UEPP comunicará ao Servicio de Organización Adadémica (Sección de Títulos) os cursos aprobados polo Consello de Goberno, así como as súas modificacións.