Contía e distribución das retencións

As porcentaxes retidas pola UDC sobre ingresos totais que a universidade aplicará como retención aos cursos propios de posgrao dependerán de:

1. Se a xestión económica compete á propia UDC ou ben está delegada na FUAC.
2. Se se trata dun curso conducente a un título propio de posgrao (mestrado ou experto/especialista universitario) ou ben dun curso conducente a un diploma de formación específica (cursos de formación específica de posgrao).

O resultado, segundo o caso, é o seguinte cadro de retencións:

Para o cómputo das porcentaxes que se recollen no cadro, o custo individual da matrícula será o que se recolle no proxecto de implantación ou en ulteriores modificacións aprobadas polo Consello de Goberno. Para tales efectos, non poderá reducirse o valor do custo da matrícula, á marxe da existencia de bolsas, de doazóns ou de subvencións.

Con independencia da entidade que realizar a xestión e do tipo do curso, a porcentaxe retida segundo o cadro 1 distribuirase como segue: a unidade académica responsable recibirá o 1,25% de IB, o centro onde se imparte o curso recibirá o 1,25% de IB e o resto destinarase para o financiamento de gastos xerais da UDC. Nos casos en que o curso se imparta en instalacións alleas á universidade, a porcentaxe que se destinar ao centro de impartición pasará a incrementar a porcentaxe da unidade académica responsable, de xeito que a esta lle corresponderá un 2,5% de IB.