Modificacións dun curso

Calquera modificación deberá ser notificada á UEPP.
Cando as modificacións alteren substancialmente o proxecto de implantación inicial, a CEPP deberá autorizalas expresamente e poderá decidir sometelas a consideración do Consello de Goberno, o que realizará, en calquera caso, cando as modificacións afectaren aos seguintes puntos:

  • a denominación do curso de posgrao e/ou do título propio ou diploma
  • a unidade académica responsable do curso e/ou director/es do curso
  • a modalidade de impartición
  • o plano académico e/ou distribución dos créditos
  • o importe da matrícula
  • as condicións de acceso requiridas para os estudantes
  • as entidades colaboradoras e/ou entidade encargada da xestión económica do curso de posgrao (véxase o artigo 41).

As solicitudes de modificación presentaranse, debidamente xustificadas, na UEPP cunha antelación mínima de tres meses sobre o comezo da edición do curso onde se pretenden introducir as modificacións que se solicitaren.