A semana do 20 ao 23 de outubro celébrase a 10ª Edición da Semana dos Cogomelos na Facultade de Ciencias da UDC, coa coordinación da Asociación UDC Big Bang, formada por estudantado de Bioloxía e Química da UDC, que teñen o obxectivo de divulgar a Ciencia e a Tecnoloxía, facéndoas atractivas para todas e todos.

A programación é a seguinte:

• Preparación da Exposición de cogomelos: Colabora! Este ano a Asociación UDC Big Bang convídavos a colaborar levando os vosos exemplares, que deberedes achegar o luns 20 entre as 10 e 12h. ao vestíbulo da cafetería da Fac. de Ciencias. Máis info e consellos para a recollida AQUI.
• Do 20 ao 23 de outubro: Exposición de cogomelos.
  • Lugar: Facultade de Ciencias (A Zapateira, UDC), vestíbulo da cafetería.
  • Exposición virtual en instagram.com/udcbigbang en udcbigbang.org 
• Luns, 20 de outubro, 17:30h.: Saída de campo polo Monte da Fraga con obradoiro de identificación de fungos no campo.
  • Inscricións: udcbigbangdivulgacion@gmail.com, indicando nome completo e NIF.
  • Prazas limitadas. Actividade suxeita ao recoñecemento de créditos para estudantado de grao da UDC (1C=10 horas)