A Coruña, 11 de decembro de 2019.- O reitor da Universidade da Coruña, Julio Abalde, presidiu esta mañá o acto de toma de posesión da profesora Esperanza Morales López como catedrática de Universidade, do departamento de Letras da Facultade de Filoloxía.

Ademais, no acto ao que asistiron o secretario Xeral da UDC, Carlos Aymerich, e o vicerreitor de Profesorado e Planificación Docente, Alberto Valderruten, tomou posesión tamén o docente José Manuel Reinosa Prado como profesor Titular do departamento de Enxeñaría Naval e Industrial da Escola Politécnica Superior, así como Ana Sánchez Bello como profesora Titular do departamento de Pedagoxía e Didáctica da Facultade de Ciencias da Educación.

Previamente a esta toma de posesión, o reitor asistiu ao acto protocolario de toma de posesión como profesora Titular de Marta Rey García, do departamento de Empresa da Facultade de Economía e Empresa.