Dende o ADI ofrecemos atención, apoio e acompañamento a calquer alumne que o requira concertando unha cita: 

• Escribindo no correo electrónico adi@udc.es. 
• No teléfono 881012314

Tanto no formulario coma por teléfono, non é necesario que te identifiques para contactar con nós. É importante que coñezas que contamos cunha política de confidencialidade, polo que calquera información ou dato que nos aportes estará a resgardo. 

Se sofres algún tipo de discriminación ou violencia pola túa identidade, orientación e expresión contacta con nós, acompañarémoste en todo o proceso. 

Ofrecemos apoio e acompañamento específico ás persoas trans no seu proceso de cambio de nome e xénero, tanto na universidade coma no rexistro. 

• Desenvolvemento de campañas de sensibilización e comunicación das realidades LGTBIQA+ en toda a Universidade, apostando pola transversalidade e a súa incorporación en tódalas estructuras da institución. 
• Visibilidade das realidades LGTBIQA+ nos espazos universitarios e entre toda a comunidade universitaria.

• Actividades e accións de carácter formativo, informativo e de sensibilización das realidades LGTBIQA+, buscando a participación de toda a comunidade educativa da UDC e de persoas ou organizacións referentes. 
• Visibilidade e comunicación das datas máis relevantes para a comunidade LGTBIQA+, coma o 31 de marzo (día da visibilidade trans) e o 28 de xuño (día do orgullo). 
• Accións de carácter artístico e cultural sobre as realidades LGTBIQA+. 
• Fomento da creación de grupos LGTBIQA+. A comunidade LGTBIQA+ precisa de espazos entre iguais e libres de violencia polas vivenzas e situación que viven no seu día a día. Dende o ADI fomentarase e apoiarase a creación de grupos LGTBIQA+ autónomos e propios dentro do estudantado da Universidade. 

Neste apartado colgaremos as campañas de comunicación, as normativas LGTBIQ+ da UDC, lexislacións, ferramentas para o fomento de espazos inclusivos e diversos na universidade, así coma outros que sexan de interese para a comunidade LGTBIQ+.