Os acordos transformativos forman parte dos cambios na Ciencia Aberta para desenvolver a investigación científica. Son contratos entre institucións e editoriais científicas que cambian o modelo de publicación académica co obxetivo de fomentar o Acceso Aberto.

As universidades pagan para que o custo de subscrición das revistas tamén cubra os gastos de procesamento dos artigos (APC) que os autores da institución pagarían normalmente por publicar o seu traballo en acceso aberto. É o que se coñece como Read & Publish ( Ler e publicar)

• Son acordos transitorios, que buscan facilitar o camiño cara un escenario no que a comunicación científica sexa en acceso aberto.
• Deben permitir aos autores reter a propiedade intelectual dos seus textos.
• deben ser transparentes e as súas cláusulas han de facerse públicas.
• Deben ser neutrales en relación cos custos, para evitar o doble pago y deter o incremento do gasto das subscricións.

Editoriais:

ACS

Cambridge University Press

Elsevier

IEEE

Oxford University Press

RSC

Springer

Wiley

Máis información

 

1. Requisitos para solicitar o pago das APC:

• Ser membro da UDC.
• Empregar o correo institucional da universidade:
• Ser autor/a de correspondencia da publicación obxecto de financiamento.
• Os documentos aceptados son aqueles recoñecibles como items citables polo JCR:
  • artigos de investigación
  • artigos de revisión 
  • actas de conferencias, en determinados casos

2. Compromisos por parte dos/as autores/as:

• As publicacións contarán cunha sinatura coa afiliación e correo electrónico da universidade, segundo a normativa oficial aprobada pola UDC.
• Incluirán unha mención á financiación recibida.
  • Exemplo: "Funding for open access charge: Universidade da Coruña/CISUG".

• As publicacións depositaranse no repositorio institucional RUC.

3. Outras estipulacións

• Non se establece un límite para as APC que pode solicitar cada autor/a ou grupo de investigación.
• En caso de existir limitación nos pagos das APC, o criterio último de aceptación será a orde de chegada das solicitudes ata acadar os tokens ou o orzamento das APC dispoñibles.
• O Servizo de biblioteca confirmará a aceptación do cargo da APC. Neste sentido, enviará unha carta ás persoas interesadas se se acepta a súa solicitude.

Para calquera dúbida sobre os requisitos ou o procedemento para solicitar as APC, o enderezo de contacto é accesoaberto.biblioteca@udc.gal.