Conceptos subvencionables

Estas subvencións destinaranse a cofinanciar os gastos derivados dos trámites que se relacionan a continuación:

• Custos relacionados coas actuacións por parte dun axente da propiedade industrial para a presentación da solicitude de patente (elaboración ou revisión da memoria, reivindicacións etc.).
• Custos relacionados con estudos de patentabilidade.
• Taxas de solicitude de patentes no exterior (novas patentes ou extensión de patentes nacionais) ou en España, de ser o caso.
• Gastos relacionados coa evolución e o seguimento da solicitude de patente (accións oficiais, informes e outros).
• Taxas de mantemento de patentes a nivel internacional.
• Poderase considerar calquera outro gasto relacionado coa protección de resultados.
• Asesoramento e creación de proxectos empresariais baseados na explotación de resultados de investigación e/ou coñecemento adquirido na UDC.
• Custos relacionados coa posta en marcha de EBCs.
• Asesoramento externo e elaboración de informes para a valorización de resultados de investigación, incluíndo, entre outros, estudos de viabilidade técnica, desenvolvemento e demostración tecnolóxica (prototipado e probas de concepto), estratexias de protección e difusión de resultados, plans de comercialización e explotación, estudos de mercado, estudos de viabilidade comercial, itinerarios tecnolóxicos (roadmaps) ou vixilancia estratéxica.
• Poderanse considerar outros gastos que garden relación con iniciativas propias de transferencia de coñecemento.