O vindeiro mércores, 3 de xuño, o Director da Oficina de Sustentabilidade da UDC participará na xornada informativa sobre a convocatoria EMERGE Collaborative Call 2026, unha iniciativa que apoia proxectos colaborativos impulsados desde a UDC en conexión con entidades externas, que poidan ter impacto social, comunitario, educativo, cultural ou territorial.

 

Na sesión informativa na que se presentarán exemplos de proxectos, accións e recursos de apoio, contarase tamén coa presenza de outros servizos da UDC vinculados aos valores EMERGE, como a Vicerreitoría de Igualdade e Diversidade, a Oficina de Cooperación e Voluntariado e  o programa Student Ambassador Force.

 

Sesión informativa 3 de xuño de 2026, 10:00 h.

Lugar: EMERGE Hub – Casa do Estudantado (Campus de Elviña).

 

A actividade está aberta a todas as persoas interesadas. ​

Para máis información: administration.emerge@udc.gal