Para relatore/as:

Nesta edición tan especial, a modalidade de participación como relatores será única a través de video-comunicación. Os requisitos serán os seguintes:

• Débese gravar un vídeo de entre 3 e 4 minutos en formato apaisado (se o vídeo supera os 4 minutos non será valorado)
• Pódese optar por aparecer en imaxe ou gravar só pantalla con unha presentación de tipo Powerpoint (Ver axuda para facer as gravacións de forma sinxela: con Teams modalidade 1, modalidade 2; Con Stream; con PowerPoint).
• A partires do día 10 de maio, todas as persoas inscritas nas xornadas serán engadidas a un equipo de Teams co nome das xornadas que levará aparellada unha canle de Stream. O autor/a do vídeo deberá compartilo só coa canle de Stream do equipo entre o 10 e o 16 de maio.
• A estructura de contido deberá ser a seguinte:
  • Datos: Titulo e presentación do autor/es
  • Contextualización da experiencia
  • Desenvolvemento
  • Resultados
  • Conclusións
• Pódense descargar aquí os modelos de presentación para as dúas modalidades (non é obrigatorio usar estes modelos pero si aterse ao tempo de gravación):
  • Modelo para vídeo con imaxe do presentador/a
  • Modelo para vídeo sen imaxe do presentador/a

Calquera dúbida relativa a video-comunicacións consultala en innovacion.cufie@udc.es ou na extensión 5612

Para asistentes:

As persoas inscritas como asistentes serán engadidas a partires do 10 de maio a un equipo de Teams das xornadas e terán diferentes oportunidades de participación activa nas mesmas:

• Fase asíncrona:

Visualización de vídeos e votación: Entre os días 16 e 26 de maio poderán ver os vídeos na canle de Stream do equipo e formular dúbidas ou comentarios no propio vídeo así como destacar con Me gusta aquelas que considere máis interesantes. O vídeo que reciba máis Me gusta obterá o premio do público á mellor experiencia docente. O prazo para votar remata o día 27 de maio ás 15:00 horas.

• Fase síncrona:

27 e 28 de maio

Mesas redondas: O público asistente terá ocasión de participar activamente no debate que terá lugar nas distintas mesas redondas para poñer en común as experiencias presentadas e responder ás cuestións formuladas polos asistentes.

Laboratorios de retos: O público asistente deberá elixir por orde de preferencia entre os 4 laboratorios de retos que hai para participar de xeito activo na resolución dun reto relacionado con catro temáticas de interese para a docencia virtual.