A REXENERACIÓN SUSTENTABLE DO TERRITORIO

  • 4 de novembro
  • Biblioteca da Escola Técnica Superior de Arquitectura

O seminario centrarase na rexeneración sustentable do territorio a través da intervención en espazos, infraestruturas e paisaxe baseados en criterios sociais, ambientais e produtivos.

Durante a apertura da xornada Encarnación Rivas Díaz, Directora Xeral de Ordenación do Territorio e Urbanismo da Xunta de Galicia, compartirá cos asistentes as prioridades e estratexias do goberno autonómico neste eido. Así mesmo, Juan Manuel Díaz Villoslada, Concelleiro de Urbanismo, Vivenda, Infraestruturas e Mobilidade do Concello da Coruña presentará as actuacións estratéxicas da cidade.

A continuación, o encontro estrutúrase en tres sesións: presentacións dos grupos de investigación da área de especialización Cidade e Territorio do Campus Sustentabilidade, sesión de preguntas, en forma de debate aberto cos investigadores/as e asistentes, e dinámica de speed dating, encontros breves bilaterais co obxectivo de establecer sinerxías e futuras liñas de colaboración entre os grupos de investigación e as entidades externas convidadas.

O aforo é libre pero agradécese confirmación previa a través do seguinte formulario.

Programa

ESTRATEXIAS PARTICIPATIVAS E MODELOS EDUCATIVOS PARA A SUSTENTABILIDADE

  • 11 de outubro
  •  Facultade de Ciencias da Educación

O seminario versará sobre as estratexias participativas e modelos educativos para a sustentabilidade, analizando as distintas abordaxes para mobilizar a acción ambiental para a mitigación do cambio climático e a transición a sociedades máis sustentables con ferramentas que inclúen: modelos educativos, estratexias para cambios de estilos de vida, intervencións comunitarias e tecnoloxías para investigar o comportamento.

Os diferentes grupos de investigación da área de sociedade e educación ambiental do Campus Sustentabilidade darán a coñecer proxectos e investigacións específicas centradas na promoción da transición cara á sustentabilidade. Tras as presentacións, levarase a cabo unha mesa redonda, en forma de debate aberto cos investigadores/as e asistentes. A xornada pecharase cunha dinámica de speed dating, encontros breves, co obxectivo de establecer de sinerxías e futuras liñas de colaboración entre os grupos de investigación e coas entidades externas invitadas.

O aforo é libre pero agradécese confirmación previa enviando un correo electrónico é dirección oficina.sustentabilidade@udc.gal

Programa

XORNADAS "RETOS DA XESTIÓN DE AUGAS PLUVIAIS MEDIANTE SISTEMAS DE DRENAXE URBANA SUSTENTABLE SUDS"

  • 19 e 20 de setembro
  • Fundación Paideia
Organizadas pola Cátedra EMALCSA-UDC e a Agrupación  Estratéxica CITEEC en colaboración co Campus de Sustentabilidade da Universidade da Coruña.
 
Un dos avances máis significativos nas últimas décadas foi o cambio de paradigma sobre a xestión das augas pluviais no medio urbano. Os novos enfoques e estratexias de desenvolvemento urbano sensible á auga, que buscan a  resiliencia, a sustentabilidade e a aplicación de solucións baseadas na natureza para mellorar a calidade de vida dos cidadáns, a preservación do medio natural e a adaptación ao cambio climático, atoparon un aliado nos  SUDS.
 
Estas xornadas configuráronse tratando de presentar e avanzar tanto na parte conceptual e teórica dos  SUDS como na parte práctica, e por iso convidouse a expertos de toda España co fin de que nos presenten os seus coñecementos e experiencias.
 
O prazo de inscrición está aberto ata o 15 de setembro, a través da páxina web da Cátedra EMALCSA-UDC. O custo de inscrición é de 100€ de matrícula ordinaria e de 25€ para estudantes. (Aforo limitado, admisión por rigorosa orde de pago)
 

Programa

XORNADA "MULLERES DINAMIZADORAS DO RURAL EN ÁREAS NATURAIS PROTEXIDAS"

  • 12 de xullo 
  • Castelo de Santa Cruz (Oleiros)
Organiza
  • CEIDA
  • Dirección Xeral de Patrimonio Natural, Xunta de Galicia 
Obxectivos
  • Recoñecer o papel das mulleres na conservación da natureza e no uso sostible dos recursos naturais.
  • Dar visibilidade ao papel das mulleres nas áreas protexidas e en proxectos de dinamización do eido rural.
  • Poñer en valor o punto de vista feminino na toma de decisións.
  • Coñecer experiencias de éxito neste ámbito.
Dirixido a

Todos os públicos.

Programa
  • 9.30 h. Recepción de participantes e entrega de documentación.
  • 10.00 h. Inauguración:
    • Dna. Cristina Carrión, Xefa Territorial da Consellería de Medio Ambiente, Territorio e Vivenda.
    • Dna. Adina Dumitru, Directora do Campus Sustentabilidade da Universidade da Coruña.
  • 10.30 h. Conferencia inaugural. Presenta: Susana Ramírez, Secretaría do Programa MaB en España.
    • Reivindicando o papel da muller na dinamización do rural. Juana Barber, Xefa da Oficina Técnica de Parques Naturais da Deputación de Barcelona e Directora da Reserva da Biosfera do Montseny.
  • 11.15 Experiencias. Modera: Alejandra Pérez. Alcaldesa de Bergondo.
    • Daterra: alma de pataca, corazón de cebola. Cristina Bañobre, fundadora de Daterra do País S.L.
    • As mulleres do mar. Isabel Rodríguez Vidal e Mª Jesús Veiga Carrillo. Asociación de Redeiras Illa da Estrela de Corme.
  • 12.15 h. Descanso
  • 12.45 h. Experiencias. Modera: María Barral. Alcaldesa de Betanzos.
    • Plan estratéxico de igualdade do Montseny. Maria Barrachina, Técnica da Reserva de Biosfera do Montseny.
    • Da Reserva da Biosfera Alto Bernesga á Rede IberoMaB: 12 anos de traballo pola igualdade. Benedicta Rodríguez, Xerente da fundación Reserva de la Biosfera Alto Bernesga (León) e Presidenta do Consello de Xestores da Rede Española de Reservas de Biosfera.
  • 13.45 h. Clausura da Xornada
Inscrición
  • Asistencia gratuíta.
  • Prazas limitadas.

Inscrición

MERCADOS DE COMPENSACIÓN DE PEGADA DE CARBONO

  •  3 de maio
  • Escuela Universitaria Politécnica (Campus de Ferrol)

Obradoiro sobre os mercados de compensación da pegada de carbono no marco do programa Troco2.

Este programa ten como obxectivo principal aumentar a eficiencia dos montes do espazo transfronteirizo Galicia-Norte de Portugal na mitigación do cambio climático, utilizando o impulso da economía baixa en carbono no sector transporte. O programa está enmarcado no Programa de Cooperación INTERREG V A España – Portugal ( POCTEP) 2014-2020 e cofinanciado polo Fondo Europeo de Desenvolvemento Rexional.

O programa formativo incluirá os seguintes módulos:

  • MÓDULO 1. Contexto Xeral e Introdución á Pegada de Carbono
  • MÓDULO 2. A Pegada de Carbono como vantaxe competitiva (PEME)
  • MÓDULO 3. Redución da Pegada de Carbono
  • MÓDULO 4. Compensación da Pegada de Carbono
  • MÓDULO 5. Cálculo da Pegada de Carbono dunha Organización, Ferramenta TROCO2 / Cálculo das absorcións de carbono xeradas por un proxecto forestal

A actividade é gratuíta pero é imprescindible solicitar inscrición enviando un correo electrónico a troco2@ampplio.com indicando nome, apelidos e datos de contacto.

Programa

PRESENTACIÓN 1ª CONVOCATORIA BUSINESS FACTORY FOOD

  • 30 de abril
  • Centro de Investigacións Científicas Avanzadas (CICA)

Presentación da primeira convocatoria do programa Business Factory Food, a aceleradora vertical para o sector agroalimentario coordinada polo Clúster de Alimentación de Galicia (CLUSAGA). 

Durante a xornada, organizada pola Universidade da Coruña e o Instituto Tecnolóxico de Galicia, amosarase a importancia da capacidade desta aceleradora vertical para mellorar a madurez dos proxectos de innovación (Innovation Readiness), a súa taxa de éxito, así como o rendemento final dos produtos ou servizos finais que se van poñer a disposición dos usuarios, consumidores ou outros axentes industriais.

No encontro participarán representantes de: 

  • Universidade da Coruña
  • Instituto Tecnolóxico de Galicia (ITG) 
  • Instituto Galego de Promoción Económica (IGAPE)
  • Clúster Alimentario de Galicia (CLUSAGA)
  • Grupo CALVO  

Para asistir á xornada é necesario inscribirse.

Inscrición

XIV CONGRESO DA ASOCIACIÓN ESPAÑOLA DE ECONOMÍA ENERXÉTICA

  • Do 30 de xaneiro ata o 1 de febreiro
  • Reitoría da UDC (R/ Maestranza, 9)

Máis de 60 expertos en Economía da Enerxía e Cambio Climático debaterán e avanzarán propostas sobre as implicacións que ten e vai ter unha transición enerxética xusta cara a unha economía española e galega baixa en emisións.

A Universidade da Coruña toma a testemuña así doutras cidades españolas como Zaragoza, Navarra, Madrid, Vigo ou Salamanca, que acolleron edicións anteriores.

O obxectivo principal do congreso da AEEE é o de acentuar os lazos entre a universidade, os reguladores e as empresas con intereses en áreas tales como a Economía da Enerxía, o Medio Ambiente e o Cambio Climático.

Baixo o título "Transición enerxética, industria e emprego " téntase recoller a problemática para resolver, no medio prazo, relativa á creación de emprego de calidade, a procura de oportunidades e solucións desde a industria, dentro do contexto dunha transición enerxética xusta cara a unha economía descarbonizada. Trátase, por tanto, de reflexionar sobre que alternativas pódense ofrecer no ámbito do negocio eléctrico e enerxético para alcanzar un futuro ambiental e socioeconómico sustentable. Todo iso dentro do marco ibérico, europeo e mundial.

Para todo iso, o congreso ofrece participacións académicas mediante a presentación de artigos de investigación e pósteres en sesións paralelas, así como tres conferencias plenarias e dúas mesas redondas con representantes empresariais, sociais, políticos, e académicos do máis alto nivel. A calidade dos artigos e/ou pósteres está asegurada, xa que son seleccionados tras un proceso de revisión por pares.

Programa

XORNADAS PARA A VALORIZACIÓN DE TECNOLOXÍA

  • Do 17 ao 20 de decembro
  • Edificio dos Servizos Centrais da UDC

As Xornadas para a Valorización de Tecnoloxía están organizadas pola OTRI da Universidade da Coruña, en colaboración co Campus Innova e o Campus Sustentabilidade.

Enmárcanse dentro do Programa Innovate e o Programa Sustenta para a valorización dos resultados de investigación no Campus Innova e o Campus Sustentabilidade e contan coa participación de todos os grupos de investigación que presentáronse nestas convocatorias.

O obxectivo é profundizar no mellor coñecemento das tecnoloxías con potencial de transferencia.

"IMPULSANDO A CREACIÓN DE ECOSISTEMAS DE INNOVACIÓN TRANSFORMADORA E SUSTENTABLE EN GALICIA"

  • Data: 29 de novembro de 2018
  • Lugar: Centro de Investigacións Científicas Avanzadas (CICA)

Europa é excelente en ciencia e en investigación e toda esa produción científica, así como os seus resultados, deben ser transferidos a empresas innovadoras para crear novos mercados e impulsar o crecemento e a competitividade. Neste sentido, é fundamental aproveitar oportunidades para financiar proxectos innovadores de alto risco e potencial de saída a mercados globais.

O Consello Europeo de Innovación ( EIC) ten como obxectivo desenvolver e apoiar aquelas ideas innovadoras radicalmente diferentes dos produtos e servizos xa no mercado, con potencial para impulsar a xeración de emprego e o crecemento

O obxectivo desta xornada é achegar o enorme potencial económico e de desenvolvemento destas accións de apoio a todas aquelas persoas con ideas disruptivas e innovadoras que requiren importantes investimentos para a súa comercialización.

Ariana Nastaseanu, Project Advisor de European Innovation Council e anteriormente Project Officer de EASME ( European Agency for Small and Medium Enterprises), ofrecerá unha visión dos instrumentos de financiamento do EIC e das principais convocatorias do Programa H2020 que impulsan a innovación e o crecemento. Ademais, protagonizará unha sesión de preguntas e respostas enfocadas a asesoramento de ideas susceptibles de financiamento.

Programa

"ESTILOS DE VIDA ACTIVA E SAUDABLE: CONTEXTOS QUE PROMOVAN O BENESTAR"

  • Data: 9 de novembro de 2018
  • Lugar: Centro de Investigacións Científicas Avanzadas (CICA)

O Campus Sustentabilidade celebra o primeiro seminario dos grupos de investigación da área Vida Saludable “Estilos de vida activa e saudable: contextos que promovan o benestar” que terá lugar o día 9 de novembro no Centro de Investigacións Científicas Avanzadas (CICA). 

Inscripcións: oficina.sustentabilidade@udc.gal

 

Programa

"CIENCIA ABERTA PARA CIDADES SUSTENTABLES"

 

  • Data: 27 de setembro de 2018
  • Lugar: Facultade de Dereito (Salón de Graos) - Campus de Elviña (A Coruña)

O evento “Ciencia aberta para cidades sustentables” inclúese no mapa da plataforma europea ECOLISE ( European Network for Community- led initiatives on climate change and sustainability) sumándose ás numerosas iniciativas que levaránse a cabo en Europa durante o mes de setembro para celebrar o Día Europeo das Comunidades Sustentables.

O Campus Sustentabilidade involucrará a estudantes, administracións, organizacións da sociedade civil e a toda a comunidade universitaria para que reflexionen acerca da transición cara á sustentabilidade na contorna urbana. A comunidade está convidada a participar neste diálogo aberto que se centrará no coñecemento e os aspectos de implementación práctica da innovación social nas cidades, a adopción de estilos de vida sustentables e saudables e os sistemas e servizos sustentables.

Dunha forma dinámica e participativa indagarase na relevancia de cada temática en distintas áreas e na súa influencia na transición cara á sustentabilidade na contorna urbana.

Programa