Os títulos propios de posgrao, isto é, os que teñen a denominación xenérica de mestrado ou Experto ou Especialista Universitario serán asinados polo reitor conforme ao formato e aos contidos establecidos pola UDC e deixarán constancia rexistral no Rexistro de Títulos Propios da UDC.
En particular, os datos que se incluirán nos títulos (denominación específica, módulos docentes, especialidades, de ser o caso, entidades colaboradoras, número de créditos etc) axustaranse estritamente aos recollidos na última “ficha resumo” aprobada polo Consello de Goberno da UDC.
A data de expedición que figurará no título será a de certificación de ter aboado os dereitos de expedición.
Para a expedición do título será necesario realizar o pagamento dos correspondentes prezos que, por instancia do Consello de Goberno, serán aprobados polo Consello Social da UDC.