Esta carta náutica foi creada ao redor de 1680 por Johannes van Keulen. Este editor e cartógrafo neerlandés estableceuse en Ámsterdam, onde obtivo unha patente para publicar cartas náuticas e atlas marítimos co apoio da poderosa e influínte VOC (Compañía Neerlandesa das Indias Orientais). A súa obra máis famosa é o atlas náutico Lichtende Zee-Fakkel, publicado en 5 volumes entre 1681 e 1684 e ilustrado por Jan Luyken. 

A finais do século XVII, a cartografía náutica experimentou un salto cualitativo debido a varios factores:
- Maior precisión. Grazas ás observacións astronómicas ou a mellores instrumentos, como o octante e o cuadrante.
- Produción en masa. Os atlas eran moi reproducidos e vendidos.
- Información práctica. As cartas incluían datos sobre ventos, correntes, perigos costeiros, profundidades e portos seguros.
- Influencia neerlandesa. Ámsterdam era o epicentro desta actividade.

Descrición física
Autoría: Johannes van Keulen (c. 1654-1715)
Data de creación: [ca. 1680]
Volume e soporte: 1 carta náutica de 51x57 cm,
gravada en cobre e coloreada a man
Escala: [ca. 1:420.000]
Estado de conservación: bo