Aberto o prazo de inscrición para solicitar prácticas externas (curriculares ou extracurriculares) dentro do Programa de Prácticas Campus Rural 2025, un programa dirixido a estudantes de grao e máster da UDC que cumpran os requisitos establecidos na convocatoria. Toda a información con detalle sobre o programa figura na ligazón web https://www.udc.es/gl/emprego/practicas-campus-rural/. Neste sitio, o alumnado poderá saber: 

• Obxectivo do programa, canto dura, cando se pode iniciar (dependendo da situación académica de cada alumno/a xa que teñen que manter a súa condición de estudante da UDC durante todo o período de prácticas).
• Prácticas remuneradas nunha contía de 1.000 euros/estudante/mes.
• Convocatoria para o alumnado e Anexo 1 coa listaxe de ofertas de prácticas das entidades colaboradoras e a súa descrición (especial atención ás titulacións solicitadas pois ten que coincidir exactamente a práctica ou prácticas solicitadas polo alumnado co tipo de estudos nos que está matriculado este curso académico).
• Formulario de inscrición que permanecerá aberto ata o 10/04/2025. Nel poderán elixir un mínimo de 1 oferta a un máximo de 5 (sempre que existan ditas ofertas solicitando a súa titulación).