Segundo o convenio asinado pola Universidade da Coruña (UDC) e o Banco Santander, convócase a 1ª Edición do Programa de Bolsas Santander Axuda Económica para Prácticas 2026.

Estas bolsas enténdense en concepto de axuda complementaria que recibirá cada estudante beneficiario/a para contribuír a sufragar os custos derivados da realización de prácticas profesionais externas xa realizadas, en proceso ou pendentes de realización, xa sexan curriculares ou extracurriculares, que comecen e rematen durante o ano 2026. 

Nesta 1ª edición convócanse 120 bolsas. Cada bolsa terá unha contía de 500 €.

Se son do teu interese, debes consultar a convocatoria publicada no Taboleiro Oficial da Sede Electrónica da UDC (TEO):

• Resolución da convocatoria propia da UDC

O prazo de solicitude permanecerá aberto desde o seguinte día hábil ao da data de publicación da convocatoria da UDC no TEO ata o 16/04/2026 (ás 23:59 h).

Para máis información e inscricións: https://www.udc.es/gl/emprego/bolsas-complementos-practicas/