A Facultade  |  Graos  |  Mestrados  |  Doutoramento  |  Investigación  |  Calidade  |  International Students

---

 

Declaración Medioambiental da Facultade de Filoloxía

Aprobada polo Comité Ambiental da facultade o 20 de outubro de 2016 e ratificada pola Xunta de Facultade o 26 de decembro de 2016

Política medioambiental

• Asumir un desenvolvemento sostible.
• Manter en funcionamento un Comité Ambiental.
• Solicitar á Oficina de Medio Ambiente da UDC que un/ha bolseiro/a sexa asignado/a ao centro.
• Realizar unha avaliación periódica dos aspectos medioambientais da facultade.

Aforro de enerxía eléctrica e auga

• Optimizar o consumo de enerxía eléctrica e auga.
• Promover o seu uso responsable.

Consumo responsable

• Promover o consumo responsable e minimizar ou optimizar o consumo.
• Promover o uso de documentos electrónicos en lugar de papel.
• Favorecer a adquisición ou subministración de materiais reciclables, reciclados ou co mínimo impacto ambiental posible.
• Optar, na medida do posible, por provedores de subministracións que garanten o coidado ambiental.

Xestión de residuos

• Fomentar a redución de residuos, o aproveitamento de materiais e a reciclaxe.
• Xestionar os aparatos eléctricos e electrónicos de xeito que manteñan a súa funcionalidade ou poidan ser reutilizados.
• Reciclar adecuadamente os residuos de aparatos eléctricos e electrónicos avariados ou no fin da súa vida útil.

Educación ambiental e voluntariado

• Acoller e realizar accións de formación e sensibilización.

Ambientalización curricular

• Estimular a incorporación de competencias e contidos ambientais ás materias.
• Promover o comportamento sostible na dinámica das materias.