Desde a EIDUDC organizamos un curso de formación en escritura científica para dotar ao alumnado de doutoramento das habilidades necesarias para comunicar os resultados da súa investigación de xeito claro, rigoroso e estruturado. Nun contorno académico cada vez máis competitivo e globalizado, unha formación específica en escritura científica non só impulsa a produtividade investigadora e a visibilidade do alumnado de doutoramento, senón que tamén mellora a calidade global dos programas de doutoramento e a excelencia institucional da universidade.

Animámoste a participar!

 

Título: Obradoiro de redacción de artigos científicos. Teoría e práctica

Idioma: Español

Duración: 10 horas

Datas: 2 e 3 de xuño de 2026, de 9.00 a 14.00 horas

Formato: Presencial

Lugar: Aula de Doctorado, na casa do Estudantado

Prazas dispoñibles: 25

Profesor: Dr. Rodrigo Lozano

Obxectivos da actividade:

- Aprender a estrutura típica dun artigo científico e os seus compoñentes.

- Avaliar artigos ben escritos e outros que non o están.

- Entender os métodos cualitativos e cuantitativos.

- Realizar revisións por pares de artigos escritos polos compañeiros.

- Traballar nun artigo que se estea a preparar.

Data límite: 22 de maio ás 12.00h.