Información
A Biblioteca da Facultade de Informática está constituída polos fondos bibliográficos e documentais especializados nas áreas de informática/computación, electrónica e sistemas, tecnoloxías da información e das comunicacións, matemáticas aplicadas e estatística, ademais de en intelixencia artificial e ciencia de datos.
Contén máis de 30.000 monografías e unhas 170 publicacións periódicas, tanto impresas como electrónicas, vídeos, DVDs, etc.
Procuramos o acceso a recursos de información electrónica [bases de datos, revistas, libros...] aos que se pode acceder tamén dende a Biblioteca Universitaria.
Dispón de 216 postos de lectura en 650 m2 de superficie.
