Que é Avaliemos?

Avaliemos é o sistema que utiliza a UDC para avaliar a actividade docente. Participan tanto o alumnado como o profesorado, a través dun conxunto de enquisas dispoñibles en liña, que se poden cubrir de forma rápida e anónima.

Que tipo de enquisas hai?

Hai dous tipos principais:

• Enquisas por materia:
  • O alumnado avalía como foi a docencia recibida en cada materia e con cada docente.
  • O profesorado tamén pode autoavaliar a súa docencia por materia.
• Enquisas xerais:
  • O alumnado reflexiona sobre as súas propias competencias para a aprendizaxe.
  • O profesorado avalía as competencias do alumnado (de forma global) e tamén pode facer unha autoavaliación das súas propias competencias docentes.

Para que serve Avaliemos?

Avaliemos axuda a:

• Mellorar a calidade da docencia, detectando fortalezas e aspectos que se poden mellorar.
• Deseñar programas de apoio e formación adaptados ás necesidades reais de alumnado e profesorado.
• Fomentar unha docencia máis reflexiva e comprometida.

Que aspectos se avalían?

As enquisas céntranse en tres grandes áreas:

• As metodoloxías docentes empregadas nas materias.
• Os sistemas de avaliación.
• As titorías e acompañamento ao alumnado.

Ademais, tamén se recollen datos sobre competencias específicas, como o uso de tecnoloxías, as distintas modalidades docentes, ou a saúde laboral no caso do profesorado.

Onde podo ver as enquisas?

Podes consultar os cuestionarios e cubrir as enquisas no seguinte enlace:  https://udc.gal/avaliemos