Duas informações enviadas por megonzalez@athena.es,
coordenador da Internet do Movimento Defesa da Língua

1. Eliminado o registro do canal #Galiza

O passado 29 de Agosto produziu-se a eliminaçom do registro do #Galiza, um canal de IRC que estava operativo até entom no servidor "Hispano". O IRC é um meio polo qual se possibilita a comunicaçom escrita em tempo real entre os usuários de Internet, e o #Galiza é um canal com umha ampla história e presença em outros servidores como Undernet (servidor mundial), em Portugal e em Arrakis.

Desde havia tempo, o canal estava sendo investigado, como muitos outros que pudessem dar pé a "conversas" políticas entre os seus usuários. Nesta última semana produziu-se a denúncia dumha pessoa que estava temporalmente à espera de ser identificado como usuário registrado do canal, a quem nom se lhe concedera esse registro até entom polo que representa ser operador (o "rango" ao que acederia permitiria-lhe expulsar a gente do canal, entre outras cousas). Para esta concessom é necessário demonstrar responsabilidade e estar no canal com frequência. Em "vingança" a este facto, o moço reaccionou redigindo conversas falsas do canal, nas que se tratava o tema da luita armada, utilizando o seu engano para denunciá-lo ante os responsáveis do "Hispano" (servidor de IRC) como "actitudes pró-terroristas", facto que levou à suspensom definitiva do canal.

Após isto, o denunciante quixo solucionar o facto "arrepentindo-se" perante os usuários habituais do canal, mas as autoridades do IRC confirmárom a suspensom permanente e "irrevocável", facto que demonstra que a citada denúncia falsa foi aproveitada para justificar a eliminaçom do registro dum canal que nom gostava aos operadores do novo "Hispano", assim como também lhe sucedra o mesmo aos usuários do #cannabis ou #the_zone.

Isto supom um grave atentado contra a liberdade de expressom, num meio que se está abrindo à sociedade, a Internet. Este meio permite a criaçom de espaços livres e alternativos de jeito relativamente fácil e acesível, como pode ser a apariçom do sítio de rede do MDL (http://pagina.de/mdl) ou a existência das quase cem webs reintegracionistas que moram na rede. O canal #Galiza, ao ser "desregistrado" perde a sua identificaçom como canal próprio e segue a ser perseguido e investigado, por sucessivas provas evidentes que chegárom a diferentes usuários.

O canal #Galiza era o canal pioneiro do emprego do galego-português na sua correcta escrita e por galegos, a nossa grafia estava normalizada entre os usuários, polo que permitia o achegamento ao reintegracionismo de pessoas que nom o conheciam, a assimilaçom das nossas bases linguísticas e mesmo o aprendizado (ao ser comunicaçom escrita).

De seguir permitindo factos como estes, poderá chegar um dia em que se ilegalize o sítio de rede do MDL ou qualquera outro que poda ser lesivo para certo tipo de instituiçons. A Internet segue a ser perseguida, e hoje já está autorizada a investigaçom de computadores mediante a rede (algo assim como "pinchar" um telefone), preparando-se aliás leis restritivas contra a publicaçom de sítios de rede.

Desde este dia, a liberdade de "falarmos" por IRC viu-se-nos limitada aos/às galeg@s, polo que facilitamos este endereço por se queredes expressar-lhe o vosso desacordo às "autoridades" do "Hispano": quejas@irc-hispano.org.

O MDL espressa a sua repulsa cara o acontecido, e solicita às pessoas e meios aos que chega este envio que publicitem este facto nas suas possibilidades, reproduzindo o envio ou publicando-o.

Assdo. Coordenador de Internet do Movimento Defesa da Língua.

2. Resoluçom do conflito com o "Hispano"

Após três dias de tensom e trabalho desenvolvido pol@s usuári@s do canal, e o esforço do falso acusador por esclarecer a verdade, ontem dia 31 de Agosto às 5 da tarde, a direcçom do Hispano reconheceu o erro que cometera fechando o canal e volveu abrir o registro do canal, que volve recuperar a sua actividade normal.

Só foi possível graças a mobilizaçom comprometida das pessoas que frequentavam o #Galiza, que luitárom por manter um dos estandartes da nossa língua na rede, como representava e representa o canal d@s galeg@s. Esta mobilizaçom fixo indispensável que umha organizaçom como a do "Hispano" tivesse que rectificar acusaçons como "la administracion de la red investigó y tomó la decisión de desregistrarlo (...) la decisión ha sido tomada y es irrevocable". Assim, admitem de facto o dito como umha mentira e tenhem de reconhecer que o seu informador e as suas "investigaçons" eram falsas.

O mais importante deste facto é que se mostra que é precisso luitar e que se podem reivindicar os nossos direitos como galegos desde a mobilizaçom, entre eles o de conservar um canal como é o #Galiza. Alcança-se umha vitória ganhada pol@s usuári@s.

Avante na luita polos nossos direitos!

Reintegracionismo linguístico e monolinguísmo social!

Assdo. Coordenador da Internet do MDL