A Universidade da Coruña foi creada pola Lei 11/1989 do 20 de xullo, de ordenación do sistema universitario de Galicia.
Está estruturada territorialmente en campus da Coruña e campus de Ferrol.
Goberno
Son órganos da Universidade da Coruña os que a seguir se relacionan:
Colexiados: Consello Social, Consello de Goberno, Claustro, xuntas de centro, consellos de departamento e institutos universitarios.
Unipersoais: reitor/a, vicerreitores/as, secretario/a xeral, xerente, decanos/as, vicedecanos/as e secretarios/as de facultades, directores/as, subdirectores/as e secretarios/as de escolas, directores/as e secretarios/as de departamentos e institutos universitarios.
As cátedras e as aulas institucionais, financiadas cunha dotación económica periódica achegada en concepto de patrocinio polas empresas, permiten desenvolver actividades non lucrativas específicas de formación, divulgación, transferencia de coñecemento e investigación nos ámbitos de interese común para a empresa e a Universidade.