Traballamos para contribuír á mellora da calidade da lingua galega e para homoxeneizar os usos que dela se realizan na UDC. Para conseguilo, pomos á disposición da comunidade universitaria os servizos de revisión e tradución de textos, así como de resolución de dúbidas lingüísticas puntuais.

Tes aquí algúns volumes que poden resultarche de axuda tanto para facer un uso máis correcto da lingua como á hora de redactar textos escritos en galego: uns criterios para o uso da lingua galega, algunhas reflexións sobre a súa calidade, unha síntese gramatical e modelos de documentación administrativa.