Seguridade da información

A Universidade da Coruña ten un compromiso decidido coa mellora constante na xestión da seguridade da información que manexa.

Deste xeito, e cumprindo os requisitos do Real decreto 311/2022 polo que se regula o Esquema Nacional de Seguridade, conta cun sistema de xestión da seguridade da información cuxos obxectivos principais son os seguintes:

• Asegurar a integridade, a dispoñibilidade, a autenticidade, a confidencialidade e a trazabilidade da informacións e os servizos utilizados en medios electrónicos que xestiona no exercicio das súas competencias.
• Cumprir cos requisitos legais existentes no ámbito da seguridade da información e a protección dos datos persoais.
• Maximizar o tempo de dispoñibilidade dos servizos prestados e minimizar os incidentes de seguridade, nun proceso de mellora continua.
• Garantir os dereitos dos usuarios dos servizos.
• Racionalizar o gasto en medidas de protección.