Os recuperadores de calor son equipos de renovación de aire que serven para garantir unha calidade do aire interior cun mínimo custo enerxético: aproveitan a calor do aire de saída (climatizado) para realizar un prequentamento do aire de entrada e sen mesturar os fluxos de aire. O intercambio de calor faise a través dun intercambior de placas.

As instalacións de climatización teñen por obxecto manter as condicións dos locais ocupados nuns valores de temperatura, humidade e velocidade do aire axeitados ás tarefas que se van realizar neles. É frecuente que a climatización achegue tamén unhas condicións de ventilación que permitan manter a calidade do aire, eliminando a concentración de certos contaminantes por debaixo de niveis seguros, tal é o caso do control de radon, CO₂ e outras partículas de calidade de aire.

A eficiencia enerxética é un termo presente na nosas vidas desde fai máis dunha década. Xa polo ano 2008 a UDC creou un plan enerxético por considerar esta cuestión un punto estratéxico, tanto desde a perspectiva económica como a ambiental, e tendo sempre presente o concepto de "pegada ecolóxica". Nesta pílula queremos falar das implicacións que ás veces ten a eficiencia enerxética e as consideracións que deben ser tidas en conta nas instalacións de iluminación en concreto.