Criterios para a calidade editorial:
As obras publicadas baixo o selo do SPU (tanto en papel como en dixital) deben ser recoñecidas pola súa calidade editorial e cumprir cos seguintes requisitos para acadar a máxima calidade científica:
- Informes científicos cegos realizados por especialistas externos á UDC (agás as obras publicadas na colección de Homenaxes, Actas e Publicacións Institucionais).
- Aprobación polo Comité Editorial do Servizo de Publicacións da UDC para todas as obras que requiran ISBN e DOI.
- Aprobación da dirección e consello científico da colección, se os houbese.
- Informe de departamento motivado que será posto en valoración pola Comisión de Publicacións xunto co resto de datos da obra. Requisito para: monografías, manuais, homenaxes, publicacións de caracter científico e aquelas outras publicacións que considere a comisión como dato imprescindible para a valoración da obra.
- Terán prioridade os proxectos que traten sobre temas de especial interese para a UDC e os seus campus de especialización.
As coleccións existentes ata o momento son as seguintes:
Coleccións con dirección e consello científico propio:
Ademais, publícanse de xeito ocasional libros que, pola súa temática e interese, están fóra de colección
Criterios para a publicación no espazo do Servizo de Publicacións do RUC:
A Comisión de Publicacións aproba os seguintes criterios para a publicación de obras no espazo do SPU no repositorio institucional da UDC (RUC):
- Non é necesario o acordo previo da comisión para a publicación de libros de resumos e actas (congresos, simposios etc.); documentos con resultados de investigacións subvencionadas en convocatorias públicas das institucións gubernamentais galegas, españolas e europeas; manuais de apoio á docencia, documentación de interese xerada por órganos e unidades da propia universidade; e obras xa publicadas anteriormente en versión impresa.
- Adxudicaráselle un DOI a aquelas publicacións de carácter académico e/ou investigador que cumpra cos estándares de calidade do SPU, e un handle ao resto.