A comisión xestora das hortas comunitarias da Universidade da Coruña nos Campus de Elviña e de Ferrol, na súa reunión do día 10 de febreiro de 2025, ás 12 h, nas dependencias da Oficina de Sustentabilidade, no Ed. Xoana Capdevielle, en presenza de catro persoas participantes no concurso de acceso ás hortas, procedeu ao sorteo público das parcelas dispoñibles entre as persoas solicitantes.

Informouse que neste momento hai 17 parcelas dispoñibles:  8 no cupo de estudantes e 9 no cupo de persoal, que serán as adxudicacións con acceso a horta, sen prexuízo de que durante o período de pagamento que se abre a continuación poidan rexistrarse novas baixas, que nese caso serían cubertas polas persoas suplentes seguindo a orde da lista xerada no sorteo.

Así mesmo, indícase que as listas de suplentes resultantes deste sorteo manteranse para a convocatoria de hortas na anualidade de 2026, no caso de existiren novas baixas nese momento.