Convocatoria de tres cursos de formación en lingua galega para o persoal docente e investigador da Universidade da Coruña.

• Curso Básico de Aproximación á Lingua Estándar, destinado ao profesorado cun nivel básico do idioma que non utiliza habitualmente a lingua galega e desexe achegarse ao seu coñecemento.
• Curso de Actualización de Competencias Lingüísticas, destinado a quen posúa un certo dominio da lingua e precise ampliar e asentar conceptos.
• Curso Superior de Competencias Lingüísticas, destinado a quen pretenda profundar no idioma para acadar coñecementos de nivel avanzado

Solicitudes

As persoas interesadas poderán presentar a súa solicitude ata o 22 de xullo a través deste formulario.

O número máximo de prazas é de 105 (35 para cada un dos niveis).

Duración

Os cursos teñen unha duración de 30 horas e desenvolveranse do 22 de setembro ao 23 de novembro, en liña a través do Campus Virtual da UDC.