O obxecto desta convocatoria é a adxudicación dun total de 81 bolsas de colaboración en centros propios da UDC, das que 15 estarán destinadas a Oficina de Sustentabilidade e Green Campus, co fin de favorecer a formación complementaria do alumnado de grao da UDC a través da realización de actividades en direrentes áreas de interese. 

A duración das bolsas será do 1 de febreiro de 2026 ao 31 de maio de 2026, cunha dedicación de 8 horas semanais e cun máximo de 4 diarias, en horario acordado coa persoa titora.

O importe bruto de cada bolsa será de 240 euros mensuais, cantidade á que se lle aplicarán as retencións correspondentes do IRPF e a cotización da Seguridade Social correspondente á persoa adxudicataria. 

A distribución das bolsas OdS-GC é a que segue, escolléndose 1 persoa de cada centro (agás 2 para o Campus Ferrol) segundo o baremo e requisitos das bases da convocatoria:

• ETS de Arquitectura
• EU de Arquitectura Técnica
• ETS de Enxeñaría de Camiños, Canais e Portos
• Facultade de Ciencias
• Facultade de Socioloxía e de Ciencias da Comunicación
• Facultade de Ciencias da Educación
• Facultade de Ciencias da Saúde
• Facultade de Ciencias do Deporte e a Educación Física
• Facultade de Dereito
• Facultade de Economía e Empresa
• Facultade de Fisioterapia
• Facultade de Informática
• ETS Náutica e Máquinas
• Campus de Ferrol

Calquera dúbida relacionada con esta convocatoria pódese consultar a través do correo electrónico: bolsas.formacion@udc.gal .

Queres coñecer mellor a OdS e Green Campus? 

Memorias de actividades de cursos anteriores